श्री. अभिजीत ताम्हणे यांस

परममित्र अभिनवगुप्त, उर्फ समीक्षाबाई नेटके, उर्फ (काही काळ) निनावी उर्फ .................... श्री. अभिजीत ताम्हणे यांस सप्रेम वंदे,

ताम्हणे, तुम्हाला एक गंमत सांगतो. लहानपणी मला लपाछपीचा खेळ अजिबात आवडायचा नाय. कारण माझ्यावर राज्य आलं की मला कधीच कोणाला शोधता यायचं नाय. मोठेपणी पुन्हा एकदा लपाछपीचं राज्य येईल असं कधी स्वप्नातही वाटलं नव्हतं. पण माझ्या सुदैवाने बालपणीची शोधाशोधी करता न येण्याची सवय मी बदलू शकलो त्यामुळे बराच फायदा झाला माझा. तर लपाछपी !!! गेले काही दिवस आपली जी लपाछपी चालू आहे ना... लपाछपी म्हणजे ते नेहमीचंच आपलं की राज्य पुन्हा माझ्यावरच आणि माझी शोधाशोधी चालूच. मनापासून सांगतो ताम्हणे, मला ही लपाछपी खेळायची नव्हती. मला काही प्रश्न विचारायचे होते तुम्हाला, काही गोष्टींवर चर्चा करायची होती, काही शंकांचं निरसन करून घ्यायचं होतं, काही मुद्दे मांडायचे होते. त्यासाठी मोठ्या प्रयत्नाने शोधलं तुम्हाला. आता खरं सांगायचं तर 'मोठ्या प्रयत्नाने' हे म्हणजे फक्त म्हणायची पद्धत म्हणून. प्रत्यक्षात फार प्रयत्न करावे लागले नायत. तर काय सांगत होतो? हां..

- तर तुम्हाला फेसबुकवर शोधलं, फ्रेंड रिक्वेस्ट पाठवली. पण तुम्ही काही ती स्वीकारली नाय.

- तुम्हाला 'वाचावे नेटके' च्या आयडीवर पत्र पाठवलं कित्येकदा, त्यालाही उत्तर आलं नाय,

- 'वाचावे नेटके' वर दिलेल्या प्रत्येक प्रतिक्रियेत माझा खराखुरा इमेल आयडी दिला होता. पण त्याचाही काही उपयोग झाला नाय.

- शेवटी ब्लॉगवर खुलं (अनावृत) पत्र लिहिलं, परंतु त्यालाही काही पोच आली नाय.

अर्थात मी काही एवढा मोठा माणूस नाय की तुम्ही माझ्या पत्रांना उत्तरं द्यावीत. मी तर एक सर्वसामान्य ब्लॉगर. कोणीही यावं आणि टपली मारून जावं. म्हणून मग अशा परिस्थितीत सर्वसामान्य ब्लॉगर जे करतो तेच करायचं ठरवलं. बास का आता? करून करून करणार काय मी? अजून एक खुलं पत्र लिहिणार.

तर वर म्हटल्याप्रमाणे काही प्रश्न विचारायचे होते. त्याआधी एक सांगतो. मीही डोंबिवलीचाच बरं का. असो.

१. ताम्हणे, आपलं डोंबिवलीत कधी कोणत्याही प्रसंगी, एखाद्या भेटीत, क्रिकेट मॅचमध्ये, नळाच्या रांगेत, वाण्याच्या दुकानात, फडके रोडवर, भागशाळा मैदानात, गणपती मिरवणुकीत वगैरे वगैरे कुठल्याही प्रसंगी भांडण झालं होतं का ओ?

२. मी तुम्हाला माझ्या ब्लॉगवरच्या एखाद्या पोस्टमधून जाणता/अजाणता कधी नावं ठेवली होती का?

३. मी कधी काळी एखाद्या मराठी संकेतस्थळावर कार्यरत असताना आपले काही मतभेद, वादविवाद, बाचाबाची, तूतू-मैंमै वगैरे काही झालं होतं का? हे कारण असेल तर मला तरी ते कधीच कळू शकणार नाय. कारण ते आयडी प्रकरण मला कधीच झेपलं नाय. त्यामुळे तुमचा आयडी कुठला वगैरे मला माहित नाय आणि मी त्या फंदातही पडलो नाय कारण सगळीकडे मी माझ्या नावानेच वावरत होतो. बादवे, आताचा वावर फक्त आणि फक्त ब्लॉग, हे तुमच्या अवांतर माहितीसाठी...

४. मागे तुम्ही प्रहारमध्ये 'समीक्षा नेटके' या नावाने लिखाण करत असताना मी तुमच्या कुठल्या लेखावर कधी काही तुमच्या विरोधात प्रतिक्रिया दिली होती का? किंवा ब्लॉगवर काही (तुमच्या दृष्टीने) आक्षेपार्ह लिहिलं होतं का?

ताम्हणे, मी हे सगळं अगदी मनापासून विचारतोय. कारण या सगळ्या प्रश्नांना माझं उत्तर एकच आहे. "माहीत नाय" !!!!!!..

खरंच सांगा यापैकी काही झालं होतं का? अरे मित्रा, मग कारण तरी काय होतं/आहे असं येता जाता, उगाचच्या उगाच एवढ्या मोठ्या वर्तमानपत्रातल्या, संपादकीय पानावर चालणाऱ्या सदराचा (गैर)वापर करून उगाच माझ्या ब्लॉगला टोमणे मारण्याचं, विचित्र भाषा वापरून लक्ष्य करण्याचं, आडून हल्ले करण्याचं. तू तर महेंद्र कुलकर्णींसारख्या ज्येष्ठ ब्लॉगरलाही सोडलं नायस. तुला ब्लॉगिंग आवडत नसेल. वपु आवडत नसतील, महेंद्र कुलकर्णींचा ब्लॉग आवडत नसेल, माझ्या ब्लॉगकडे तर ढुंकूनही बघायची इच्छा होत नसेल. ठीके रे.. चालतं. त्यात काहीच चूक नाय.. असते एकेकाची आवड निवड. पण म्हणून काय वैयक्तिक हिशोब चुकते करायला (कधीचे हिशोब ते तर फक्त देवच जाणे) 'लीडिंग इंटरनॅशनल मराठी न्यूज डेली' म्हणून मोठ्या मानाने मिरवणाऱ्या पेप्राचा वापर करायचा? (आम्ही त्याला लाडाने 'मिसलीडिंग' म्हणतो), संपूर्ण सदराला वेठीला धरायचं?

असो. क्षणभर, आपण असं समजू की वरच्या चारी प्रश्नांची तुमची उत्तरंही "नाय" अशीच आहेत. अहो फक्त समजा क्षणभरासाठी. तर आपण असं गृहीत धरू की आपल्यात काही एक वाकडं नव्हतं तर मग तुम्ही का केलंत असं? कोणाच्या सांगण्यावरून केलंत? तुमच्या 'मंदीरा'तल्या मित्रांच्या सांगण्यावरून की अन्य 'स्थळांच्या'?? म्हणजे ठिकाणच्या.... असो.

ताम्हणे, मी तुमच्या सदरातले सुरुवातीचे(सुद्धा) लेख वाचले आहेत. एखाद्या 'माहितगाराने' लिहिल्याप्रमाणे माहितीपूर्ण होते पण भारीच शब्दबंबाळ. जड-जड, अगम्य, अतर्क्य शब्दांचा पसारा. अशा विचित्र शब्दांनी भरलेली मोठमोठी वाक्यं. समीक्षा नेटके 'बनून' लिहायचात तेव्हाही असंच करायचात. पण तेव्हा थोडं तरी सुसह्य असायचं. पण आत्ता मात्र जड शब्दांचा नुसता गोंधळ माजला होता. पण शैली मात्र तीच.. समीक्षा नेटकेचीच. पहिल्या लेखातच ओळखलं होतं हो आम्ही सगळ्यांनी की ही म्हणजे दुसरी तिसरी कोणी नसून समीक्षा नेटकेच च च च.. असो.. मुद्दा तो नाय. तर असे जड शब्दांनी भरलेले त्याहून जड लेख वाचले न गेल्याने सदराला स्वस्तात प्रसिद्धी मिळवून देण्यासाठी केलंत का हे? सगळेजण असंच म्हणतायत. (अर्थात मी तर म्हणतोच आहे.)..

असो. अजूनही काही बिघडलेलं नाय. एक काम करा. माझ्या ब्लॉगवर 'माझे ब्लॉगु-ब्लगिनी !!' आणि 'मला हे भावतं !!!' हे दोन उल्लेख दिसतायत? त्याखालच्या कुठल्याही दुव्यावर क्लिक करा, कुठलाही लेख उघडा आणि वाचून पहा. किती वेगवेगळ्या प्रकारचं, निरनिराळ्या शैलीत, असंख्य विषयांवर लिहिलंय बघा लोकांनी. काय लिहिलंय ते नव्हतं हायलाईट करायचं मला. दाखवायचं हे आहे की किती साध्या सोप्या सरळ शब्दांत लिहिलंय बघा. उगाच 'विचक्षण' नाय की 'जीवनशैलीची अपरिहार्यता' नाय की 'उद्वेग दाटून येणं' नाय. जे सांगायचं ते उगाच भलत्या शब्दांशी न खेळता, हलत्या भाषेच्या तिरप्या गिरक्या न घेता सरळ वाक्यांत लिहिलंय.

एक काम करा.. अशा साध्या भाषेत लिहून बघा येत्या सोमवारचं 'वाचावे नेटके', नाय उड्या पडल्या वाचकांच्या, नाय धावायला लागलं सदर तर माझा ब्लॉग बंद करेन मी ! मागे एकदा माझ्याच ब्लॉगवर 'तुमच्या मित्रमैत्रिणींना'सुद्धा हे 'माझे ब्लॉगु-ब्लगिनी !!' आणि 'मला हे भावतं !!!' बद्दल असंच सुचवलं होतं मी. त्यांनी वाचलं की नाय याची कल्पना नाय. बहुतेक नसावं वाचलं. म्हणून तर तुम्हाला सुचवलं नाय ना त्यांनी !

कसं आहे ताम्हणे, की तुम्ही तुमच्या सदरात उगाच सगळ्यांचं कौतुक करत सुटावंत, वारेमाप स्तुती करावीत असं कोणाचंच म्हणणं नाय, कोणीच अपेक्षा करत नाय तशी. दोष दाखवा ना, ठेवा नावं. कोण नाय म्हणतंय? पण दोष दाखवायचीही एक पद्धत असते हो. मी म्हणतो म्हणून नाय रीतच आहे तशी. सगळ्या स्त्री ब्लॉगर्सना एका फटक्यात "दुपारच्या मासिकंवाल्या" म्हणणं किंवा मग उगाच चार लेख वाचून पूर्ण ब्लॉगला, त्यातल्या भाषेला अश्लाघ्य भाषेत नावं ठेवणं (आणि वर चार लेख वाचून सदर लिहिण्याच्या पद्धतीचं समर्थन करणं) हे सगळं कोण सहन करेल? आणि कोणी का सहन करावं? आता पुन्हा प्लीज तुमच्या 'त्या मित्रमैत्रिणीं' प्रमाणे म्हणू नका की आंतरजालावरच्या लिखाणावर टीका होणारच वगैरे वगैरे. मी याचं उत्तर आधीच्या लेखात आणि त्याआधीच्या लेखातही दिलं आहे. तुम्ही लोकांकडे ब्लॉग्जच्या शिफारशी मागितल्यात म्हणून तुम्हाला लोकं दुवे (लिंक हो लिंक) देतायत. अर्थात त्या न्यायाने आणि (तुमच्याच) नियमाने तुम्ही माझ्या ब्लॉगबद्दल काहीच लिहायला नको कारण माझा ब्लॉग मी किंवा कोणीही तुम्हाला सुचवलेला नाय. असो.. तर पुन्हा तेच.. शिफारशी मागितल्यात म्हणून दिल्या, प्रत्येक ब्लॉग आवडलाच पाहिजे असं काही नाय. नाय आवडला तर सोडून द्या किंवा योग्य शब्दांत टीका करा ज्यामुळे तो ब्लॉगलेखक खच्ची न होता उलट त्याला अजून लिहायला उभारी येईल. आणि हो.. टीका करताना शक्यतो जमल्यास "बुडाखाली" , "च्यायला" वगैरे शब्द टाळता आले तर बघा. लोकही त्याच शब्दांत उत्तरं देऊ शकतात हो.

चला. हरकत नाय... ! झालं तितकं पुरे झालं, सांगायचं ते सांगून झालं. बोळा निघाला. पाणी वाहतं झालं..

फॉर द रेकॉर्ड, माझ्या दृष्टीने या प्रकरणावर पडदा पडला !!!

जय ब्लॉगिंग !!!!!!

च्यायला, हेही पत्रकार झाले !!

माननीय गिरीश सर,

ताकाला जाऊन भांडं लपवण्यात किंवा लपवलेलं भांडं तासभर इकडच्या तिकडच्या गप्पा मारून झाल्यावर हळूच बाहेर काढण्यावर माझा विश्वास नाही. त्यामुळे पहिल्याच ओळीत सुरुवात करतो. सध्या लोकसत्तामध्ये 'वाचावे नेटके' नावाच्या एका सुमार सदराला संपादकीय पानावर स्थान मिळत आहे. लोकसत्ताची मतं पटत नसूनही मी अनेक वर्षं लोकसत्ता नियमित वाचतोय. परंतु मतं पटत नसली तरीही लोकसत्ता/संपादक इत्यादींवर वैयक्तिक चिखलफेक करणे वगैरे बालिश भानगडीत मी कधीच पडलेलो नाही. जेव्हा जेव्हा तीव्र मतभेद झाले तेव्हा तेव्हा त्या त्या बातमीच्या खाली मी माझी प्रतिक्रिया नोंदवली आहे. (छापणे-न छापणे लोकसत्ताच्या (तथाकथित) पॉलिसीवर अवलंबून..). जेव्हा असंवेदनशीलपणाचा कहर होतो आहे असं वाटलं (उदा दिनांक १५ जुलै२०११ चं चिदंबरम यांच्यावर लिहिलेलं अन्वयार्थ.) तेव्हा मी स्वतः तुम्हाला इमेल करून माझा तीव्र निषेध नोंदवला आहे. 

हे सगळं एवढ्या सविस्तरपणे मांडायचं कारण इतकंच की माझं भांडं स्वच्छ आहे परंतु वेळोवेळी लोकसत्ता उर्फ 'वाचावे नेटके' च्या नासलेल्या ताकाने ते खराब होतंय हे दाखवणं. लोकसत्तासारख्या आघाडीच्या (निदान मुंबईत तरी.) दैनिकाला ब्लॉगरांवर सदर लिहितोय असं दाखवून उगाच त्यांना टपल्या मारत सुटणे, अपमानास्पद बोलणे, टोमणे मारणे, वैयक्तिक हल्ले करणे, डिवचणे असे (माझ्या आणि सर्वसामान्य ब्लॉगर्सच्या दृष्टीने) हलक्या दर्जाचे प्रकार करणं शोभत नाही. तुमच्या या सदरात वैयक्तिक माझ्यावर विनाकारण, काहीही गरज नसताना आणि अजिबात संबंध नसताना दोन वेळा थेट आणि अनेकवेळा आडून हल्ले झालेले आहेत. त्या सगळ्यांची जंत्री मी या क्षणी देऊ शकतो आणि देऊ इच्छितो. पहिल्या वैयक्तिक हल्ल्याला मी त्याच भाषेत माझ्या ब्लॉगवरून उत्तर दिल्यानंतर हे प्रकार वाढले आहेत. पहिला थेट हल्ला झाला तो दिनांक १२ मार्चच्या लेखात. 

" काहीवेळा ‘काय वाट्टेल ते’ किंवा ‘हरकतनाय’ सारखे मराठी ब्लॉग- त्यांना मिळणारा प्रतिसाद आणि प्रत्येक प्रतिसादाला पुन्हा लेखकानं दिलेली पोच वा उत्तरं पाहून वपुंसारख्याच लेखकांची आठवण (फक्त प्रतिसादापुरती) होते. "

श्री अभिनवगुप्त यांच्या लेखनाच्या दर्जा, खोली आणि व्याप्ती यावर थेट टिप्पणी करण्याचं टाळूनही मी त्यांचं एका गोष्टीसाठी कौतुक करू इच्छितो. ते म्हणजे सुरुवातीचे काही आठवडे त्यांनी भविष्य, पानिपत, भूकंप, पाकिस्तान, सिरीयामधली यादवी, आंतरराष्ट्रीय अनुवादक, इराण युद्ध, चित्रकला आणि कलासमीक्षक किंवा न्यूयॉर्क टाईम्स मधल्या संपादकीयांचा काही भाग अशा देशविदेशांतल्या अनेक ब्लॉग्जविषयी लिहूनही त्या विषयांमधल्या अंगभूत जडपणापायी आणि त्याहीपेक्षा श्री अभिनव गुप्त यांच्या अजून जड शब्द वापरून स्वतःच्या अगम्य शैलीत ते लिहिण्याच्या अट्टाहासापायीच त्यांनी हे विशेष चालत नसलेलं सदर "घटं भिंद्यात पटं छिंद्यात" करून का होईना चालवण्यासाठी त्यांनी बॉलीवूडछाप मार्गाचा आधार घेण्याचं ठरवलं. 

माज किंवा अहंकार म्हणून सांगत नाही परंतु माझ्या ब्लॉग हिट्स पावणे दोन लाखाच्या वर आहेत, २३४ जण माझ्या ब्लॉगचे फॉलोअर्स आहेत आणि किमान १३० जणांनी माझा ब्लॉग इमेल मधून सब्स्क्राईब केलेला आहे. 'काय वाटेल ते' ब्लॉग लिहिणारे महेंद्र कुलकर्णी तर समस्त ब्लॉगर्सचे आदर्श आहेत ते त्यांच्या लेखनाच्या वारंवारतेमुळे, विषयांच्या वैविध्यामुळे आणि कुठलाही विषय सोपा करून सांगण्याच्या त्यांच्या हातोटीमुळे. 'काय वाटेल ते' ची आजची वाचक संख्या जवळपास ९ लाख आहे, किमान ७१३ लोकांनी त्यांचा ब्लॉग इमेलमधून सब्स्क्राईब केलेला आहे. (आम्ही दोघेही कुठल्याही मराठी संकेतस्थळांवर लिहीत नाही (पूर्वी लिहीत असलो तरी आता सोडलं आहे) हे आमच्यातलं एक साम्य). मला वाटतं एवढी कारणमीमांसा आणि पुरावे दिल्यावर न चालणाऱ्या सदराला चालवण्यासाठी आमच्या ब्लॉग्सवर वैयक्तिक हल्ला का झाला असावा किंवा कोणाच्या 'प्रेरणेने' झाला असावा हे आपल्यासारख्या विद्वान आणि बॅलंस्ड संपादकाला समजावून सांगणे म्हणजे आपला (तुमचा) अपमान करण्यासारखं आहे. तेव्हा कारणमीमांसेचा भाग इथेच थांबवतो.

अजून एक महत्वाची गोष्ट म्हणजे या १२ मार्चच्या लेखापर्यंत श्री अभिनव गुप्त हे निनावी होते. लेखाखाली कोणाचंही नाव नसायचं. परंतु निनावी हल्ले करणाऱ्या श्री गुप्त यांच्यावर अनेक ब्लॉग, फेसबुक भिंतीं आणि काही मराठी संकेतस्थळांवर टीका झाल्यानंतर अचानक 'हजला जावं' त्याप्रमाणे स्तंभलेखकाने त्या लेखांखाली श्री अभिनव गुप्त असं नाव द्यायला सुरुवात केली. (यातलं श्री हे मी माझ्या सोईने वापरलं असून काही चुकलं असल्यास आत्ताच माफी मागतो)

आता माझा नक्की आक्षेप कशावर आहे ते पुराव्यासकट सांगतो. 

भाग १ : वैयक्तिक हल्ले

१. माझ्या ब्लॉगचं नाव घेऊन सर्वप्रथम थेट हल्ला झाला तो वर म्हटल्याप्रमाणे १२ मार्चच्या सदरात.

काहीवेळा ‘काय वाट्टेल ते’ किंवा ‘हरकतनाय’ सारखे मराठी ब्लॉग- त्यांना मिळणारा प्रतिसाद आणि प्रत्येक प्रतिसादाला पुन्हा लेखकानं दिलेली पोच वा उत्तरं पाहून वपुंसारख्याच लेखकांची आठवण (फक्त प्रतिसादापुरती) होते. 

२. १२ मार्चच्या सदरातलाच हा अजून एक उल्लेख पहा.

महिलांसाठीची ‘दुपारची मासिकं’ हा सर्वच काळात हसण्यावारी नेण्याचा, पण मोठा वाचकवर्ग असलेला प्रकार होता. त्यात येणाऱ्या कथा वा लेखांवर वाचकांमधून ‘मनात तरंग उमटले..’ पद्धतीच्या प्रतिक्रिया असत. त्या प्रतिक्रिया लिहून, टपालानं संबंधित मासिकापर्यंत पाठवल्या जाण्याची शक्यता फार कमी होती आणि जर कुणी पाठवलीच तर ती छापली जाई. अशा पत्रांना बाकीचे वाचक ‘खुशीपत्रं’ समजत आणि सोडून देत. 

आता तुम्हाला मुद्दा क्रमांक एक मधला विघ्नसंतोषीपणा लक्षात येईल !  

३. १२ मार्चच्या सदरातील आक्षेपार्ह उल्लेखामुळे संतापून श्री महेंद्र कुलकर्णी यांनी तुम्हाला म्हणजे श्री गिरीश कुबेर यांना थेट पत्र लिहिलं. ते पत्र चुकीचा मुलामा देऊन १९ मार्चच्या सदरात छापण्यात आलं. हे तुमच्या परवानगीने झालं की कसं यावर मी मतप्रदर्शन करू इच्छित नाही. तो तुमचा आणि श्री अभिनवगुप्त यांचा अंतर्गत प्रश्न आहे.

४. आजच्या म्हणजे १४ मेच्या 'वाचावे नेटके' च्या सदरात पुन्हा एकवार माझ्या ब्लॉगचं नाव घेऊन हल्ला झालेला आहे. (आणि अवांतर म्हणजे ही टीका करताना श्री अभिनव गुप्त यांनी तळटीपा देण्याची एका ब्लॉगरची शैली जशीच्या तशी चोरली आहे !!!!)

तर तातडीनं ‘वाचावे नेटके’ बंदच करा, अशी मोहीम (अशा संभाव्य मोहिमेतले पहिले १५ ब्लॉगर तर घरचेच असल्यानं) सुरू व्हायला हरकत नाही.*

* (या वाक्यातील हरकत ‘नाही’ हा शब्द ‘वाचावे नेटके’चा गटणेपणा अगदीच सिद्ध करणारा नाही काय?) 

कुबेर सर, माझ्या ब्लॉगचं युआरएल हरकतनाय.कॉम असं आहे (FYI)

भाग २ : मराठी ब्लॉगर कम्युनिटीवरील हल्ले

१. १२ मार्चच्या सदरात समस्त स्त्री ब्लॉगर्सना वेठीला धरलं गेलंय (हे मातृदिनाच्या दिवशी तुमच्यापर्यंत पोचावं हा अपूर्व योगायोगच !!).. हा उल्लेख पहा.

अनेकजणींचे  ब्लॉग आज ‘दुपारच्या मासिकां’ची उणीव भरून काढतात. अनेक ब्लॉगलेखक वा लेखिका ‘मनातलं’ लिहूनलिहून जनातलं काही बोलतच नाहीत- स्वत:बद्दलच बोलणं सुरू असतं त्यांचं. त्यामुळे प्रतिसादही ओळखीपाळखीतून येतात. स्वत:च्या किंवा स्वकीयांच्या जीवनशैलीची अपरिहार्यता साजरी करण्याचा हेतूच अनेक ब्लॉगांमधून दिसत राहातो. 

तुमचे श्री अभिनव गुप्त किती स्त्री ब्लॉगर्सचे ब्लॉग्ज वाचतात हा नियमित ब्लॉगिंग करणाऱ्या आणि मराठी ब्लॉगिंग क्षेत्रात कार्यरत असणाऱ्या निदान माझ्यासारख्या ब्लॉगरसाठी आणि अन्य कित्येक ब्लॉगर्ससाठी मोठाच प्रश्न आहे. किंबहुना फक्त स्त्री-ब्लॉगर्सचेच नव्हे तर एकुणातच ते किती ब्लॉग्ज वाचतात आणि किती ब्लॉग्ज पूर्ण वाचतात हाच खरा प्रश्न आहे. कारण कुठल्याही पुस्तकाची चार पानं वाचून किंवा कुठलाही चित्रपट १५ मिनिटं बघून त्या पुस्तकाचं किंवा चित्रपटाचं समीक्षण करणं आणि कुठल्याही ब्लॉगवरचे २-३ लेख वाचून त्या ब्लॉगवर राष्ट्रीय दर्जाच्या वृत्तपत्रांतून लाथाळ्या झाडणं हा माझ्या दृष्टीने सारखाच प्रकार. फरक इतकाच की चित्रपट आणि पुस्तकाच्या बाबतीत असला बालिश प्रकार करणारे समीक्षक (आमच्या) सुदैवाने निदान आजच्या काळात तरी उपलब्ध नाहीत. (आणि श्री अभिनव गुप्तच्या प्रेरणेने असली फळी जन्मालाही न येओ ही सदिच्छा)

कदाचित तुम्ही म्हणाल की श्री अभिनव गुप्त संपूर्ण ब्लॉग वाचत नाहीत असा दावा तू कशाच्या आधारावर करतो आहेस? तर हे बघा त्याचं उत्तर.

२. ९ एप्रिलच्या सदरातला हां उल्लेख.

 ओळख करून घ्यावी आणि पुढे वाचत राहावेत अशा ब्लॉग वा संकेतस्थळांवरल्या ताज्या नोंदींआधारे त्यांवर टिप्पणी आणि भाष्य करताना, हेतू तपासण्यासाठी अर्थातच जितक्या नोंदी वाचता येतील, तेवढय़ा वाचणं इष्ट ठरतं. 

"अर्थातच जितक्या नोंदी वाचता येतील" म्हणजे काय? म्हणजे नक्की किती? हे कोण ठरवणार? श्री अभिनव गुप्त हे का ठरवणार? हे ठरवण्याचा अधिकार त्यांना कसा?

"कारण श्री अभिनव गुप्त हे सदर चालवतात" असं बिनाशेंड्या-बुडख्याचं उत्तर इथे अर्थातच ग्राह्य नाही. असो.

३. आता अनेक छोटी छोटी उदाहरणं देतो की ज्यांत त्या त्या ब्लॉग्ज/ब्लॉगर्सवर विनाकारण हल्ले केले गेलेले आहेत. ५ मार्चच्या लेखात मुख्यमंत्री नावाच्या ब्लॉगवर टीका करण्यासाठी आणि लाथाळ्या झाडण्यासाठी खर्ची घातलेला एक संपूर्ण परिच्छेद. आणि दुसऱ्या परिच्छेदात दुसऱ्या एका ब्लॉगला वेठीस धरण्याचा प्रकार.

एक बाब स्पष्ट करून सांगतो की "जेव्हा तुम्ही तुमचं लेखन आंतरजालावर प्रसिद्ध करताय तेव्हा तुम्ही त्यावरील टीकेला तयार असलं पाहिजेत" वालं दिशाहीन आणि चुकीचं समर्थन इथे पूर्णतः गैरलागू आहे. कारण इथे श्री अभिनव गुप्त स्वतः लोकांकडून ब्लॉग्जच्या शिफारशी मागत आहेत (संदर्भ : २ जानेवारीच्या पहिल्या लेखात श्री अभिनव गुप्त (परंतु त्या दिवशी निनावी) यांनी केलेलं आवाहन). आणि जर लोकांनी स्वतःचे किंवा स्वतःला आवडणारे ब्लॉग्ज केवळ आणि केवळ श्री अभिनव गुप्त यांच्या मागणीप्रमाणे दिले तर श्री अभिनव गुप्त यांनी ते ब्लॉग 'संपूर्ण' (point to be noted, Me lord) वाचून ते आवडले नाहीत तर सोडून देऊन अन्य ब्लॉग्ज वाचावेत आणि जे आवडतील ते छापावेत असं अपेक्षित आहे. चांगल्या ब्लॉग्जच्या ओळखीसाठी हे सदर सुरु केलं असून (पुन्हा एकवार २ जानेवारीच्या आवाहनाचाच संदर्भ) जे ब्लॉग्ज आवडले नाहीत त्यांच्यावर लाथाळ्या झाडण्यासाठी नव्हे !

४. १९ मार्चच्या शीर्षकातच 'साडेतीन' टक्क्यासारख्या आक्षेपार्ह बाबीचा उल्लेख करून श्री अभिनव गुप्त यांना नक्की काय म्हणायचं आहे हे केवळ तेच जाणोत !

५. १९ मार्चच्या लेखातलं हे वाक्य स्तंभलेखकाच्या छुप्या हेतूंना बोलकं करण्यासाठी पुरेसं ठरावं.

अशा वेळी आणि अशा स्थितीत ‘वाचावे नेट-के’मुळे सध्यातरी गैरसमज होऊ आणि वाढू शकतात, याचा मासला ठरणारं एक पत्र सोबत आहे.  

६. पुन्हा एकदा १९ मार्च. शीर्षकात पुनःश्च एकवार साडेतीन टक्क्यांचा उल्लेख !! आणि त्याहीपुढे एका चांगल्या ब्लॉगचं कौतुक करण्यापूर्वी न चुकता ओढण्यात आलेले ताशेरे.

एक आहे प्रसाद चिक्षे यांचा ब्लॉग. मराठीत, आणि किमान गुगल-क्रोमवर उघडणे कठीण. शिवाय एका वेळी एकच नोंद येताना फार वेळ खाणारा हा ब्लॉग, असा विविध सिस्टीम्सवरचा अनुभव आहे. ही तांत्रिक अडथळय़ांची शर्यत जिंकलात, तर जणू बक्षीस म्हणून  

"गुगल क्रोमवर उघडू नका" हे एवढं साधं चार शब्दांत सांगणं किती सोपं आहे. परंतु श्री अभिनव गुप्त यांनी आपल्या अंगभूत (दुर्) गुणाने किमान ३८ शब्द त्यासाठी खर्ची घातले आहेत !!!

७. आता त्याच लेखात हा अजून एक आक्षेपार्ह उल्लेख 

नोंदींची भाषा बाळबोध म्हणावी, अशी आहे. ब्लॉगलेखक प्रसाद चिक्षे यांना भाजपसारख्या पक्षाच्या प्रसिद्धीविषयक कामासाठी बोलावणे आले होते असा निष्कर्ष ब्लॉगवरील कुठल्या तरी एका सूचक उल्लेखाचा जरा विचार केल्यावर काढता येत असला, तरी त्यावर विश्वास बसणे कठीण व्हावे, अशी भाषेची रीती! 

अगदी प्रामाणिकपणे सांगायचं झाल्यास श्री अभिनव गुप्त यांच्या निरर्थक आणि प्रामुख्याने शब्दबंबाळ मराठीपेक्षा मी कुठलंही साध्या भाषेतलं लिखाण कधीही आवडीने वाचेन. पण एखाद्या ब्लॉगरच्या भाषाशैलीवरून त्याला एखादा राजकीय पक्ष कामासाठी बोलावू शकेल की नाही यावर गृहीतक मांडणं हा निखळ मुर्खपणा !! या निरर्थक आणि बिनबुडाच्या मतप्रदर्शनाचा अधिकार श्री अभिनवगुप्त यांना दिला कोणी? ते भाजपचे राष्ट्रीय दर्जाचे नेते आहेत की भाषातज्ज्ञ??? माझ्या मते तरी "यापैकी नाही" हेच उत्तर योग्य आहे नाही का?

८. १२ मार्चच्या लेखातील स्त्री ब्लॉगर्सबद्दलच्या अवमानकारक उल्लेखानंतर त्या उल्लेखाच्या निषेधार्थ त्या लेखाखाली अनेक प्रतिक्रिया आल्या (आणि लोकसत्ताने त्यातल्या कित्येक छापल्याच नाहीत) आणि अनेक ब्लॉगलेखकांनी आपल्या ब्लॉगवर/फेसबुक भिंतीवर त्याबद्दल निषेध नोंदवला. त्यानंतर अचानक श्री अभिनव गुप्त यांना १२ मार्चपर्यंत स्त्री ब्लॉगर्सचे “दुपारच्या मासिकांची उणीव भरून काढणारे” ब्लॉग्ज या निषेधमालिकांनंतर अचानक १९ मार्चच्या दिवसापासून  “शुद्ध हेतूने लिहिले गेलेले” वाटायला लागले. कंप्लीट युटर्न !!! हा पहा १९ मार्चच्या लेखातला पुरावा.

आपण हेतूंबद्दल बोलत होतो.  अनेकदा, ब्लॉगलेखन करणाऱ्या स्त्रियांचे हेतू अधिक शुद्ध असल्याचं दिसतं. हा नियम नाही. असा लिंगविषमतामूलक नियम मानूही नये. पण तरीही दिसतं. ब्लॉगलेखन करणारा जो ‘आवाज ’ वाचकापर्यंत पोहोचतो, तो तपशिलांमधून जाणवतो. तपशील मांडणं म्हणजे ‘माहिती देणं’ अपरिहार्यपणे आलंच. पण माहिती कशाची द्यायची आहे, त्यातून काय सांगायचं आहे, हे महत्त्वाचं मानण्याची वृत्ती असलेल्या २५ ब्लॉगरपैकी २० स्त्रियाच असतात.. आणि या सर्वच्या सर्व- म्हणजे वीसहीजणींच्या ब्लॉग-लिखाणात अनेकदा, स्वत:सकट सर्वाना पुन्हा पाहण्याची, तपासून घेण्याची विश्लेषक वृत्ती दिसते! स्वत:च्या जगण्याचे हेतू दुसऱ्यांच्या जगण्यातही  मिसळलेले असतात, ही व्यक्तिबाह्य अस्तित्वाची पातळी मान्य करणं बहुधा पुरुषांना जमत नसावं, त्यालाही सामाजिकच कारणं असावीत. पण हेतू तपासणारं विश्लेषण मराठी ब्लॉगांवरून करण्यात सध्या स्त्रिया पुढे आहेत. 

९. आता हा अजून एक विनोदी उल्लेख ९ एप्रिलच्या लेखातला.

(आणि वाचन, अभ्यास वगैरे नसावं) असं त्यांच्या ब्लॉगवरला मजकूर वाचून वाटत राहतं. मग लक्षात येतं की, फक्त तरुण वयावर खापर फोडून चालणार नाही. भाषा ज्या हेतूंसाठी वापरली जाते आहे, ब्लॉग ज्या प्रकारच्या संवादासाठी लिहिला जातो आहे, तो हेतू एकतर लेखकाला स्पष्ट आहे का आणि वाचकाला पटण्यासारखा आहे का, हे अखेर ब्लॉगचा मगदूर ठरवण्यासाठी महत्त्वाचं ठरतं

श्री अभिनव गुप्त यांनी लोकांच्या भाषेवर आक्षेप घेणे हे म्हणजे "शीशे के घर मे....." वाल्या संवादासारखं झालं !!

१०. आता ३० एप्रिलच्या लेखाची ही सुरुवातच बघा.

‘माझे जीवनगाणे माझ्या ब्लॉगमधून मी ऐकवणार’ हा आग्रह अनेकांचा असतो आणि तो अत्यंत कडक आग्रह असतो, हे ‘वाचावे नेटके’बद्दल ज्या चर्चा- प्रतिसाद- प्रतिक्रिया बाहेर अन्यत्र चालताहेत, त्यांतून कुणाच्याही लक्षात येईल. 

थोडक्यात हे सगळं जाणूनबुजून चालू आहे आणि स्तंभलेखक त्यातला विकृत आनंद उपभोगत आहे हेच स्पष्ट होतं. यावरून जॉर्ज बर्नार्ड शॉचं "Never to wrestle with a pig. You get dirty, and besides, the pig likes it." वालं वाक्य आठवलं. असो.

भाग ३ : अशुद्ध, चुकीची आणि न समजणारी मराठी 

१. २७ फेब्रुवारीच्या लेखातला हा उल्लेख.

अभिनिवेश नाही, पण अतिरेकी निष्ठा! लेखक बहुतेकदा अभ्यासू, पण सारा अभ्यास त्या निष्ठांच्या कक्षेतला. मुद्दा अगदी वकिली बाण्यानं, जणू काही तर्कशुद्धपणेच पटवून दिलेला वरकरणी दिसेल, पण अर्धसत्यच लोकांपुढे मांडून तो आधार कसा निर्णायक आहे हे पटवण्याचा आटापिटा करणं, चुकीच्या किंवा अयोग्य मुद्दय़ांपायी शब्दांचं जाळं रचणं, हे दोष या लिखाणात नेहमीच असतात. 

स्वतः एवढं विचित्र, अतर्क्य आणि अगम्य मराठी लिहिणाऱ्या श्री अभिनव गुप्त यांनी अन्य ब्लॉगर्सवर "शब्दांचं जाळं रचणं" हा आरोप करणं हे म्हणजे विरोधाभासाचा माउंट एव्हरेस्ट म्हणावं लागेल !!

२. १२ मार्चच्या लेखातला हा उल्लेख म्हणजे इतर काही नसून फक्त स्वतःला माहित असणारे काही जडबंबाळ शब्द त्यांचे अर्थ न तपासता एकापुढे एक लिहिण्याचा हास्यास्पद प्रयत्न म्हटला पाहिजे !

आपल्या जीवनशैलीबद्दल आपल्याच भाषेत वाचायला मिळणं, ही विचक्षण नसलेल्या ‘सामान्य’ वाचकांची गरज असते. ती कुठल्याही भाषेत असतेच. जीवनशैलीची अपरिहार्यता साजरी करणं, हाच या वाचनाचा उद्देश असू शकतो, पण वाचकांना तो या शब्दांमध्ये माहीत नसण्याचीच शक्यता अधिक असते! 

"विचक्षणा नसलेला सामान्य वाचक" आणि "जीवनशैलीची अपरिहार्यता साजरी करणं" ही दोन वाक्य दिनांक १२ ते १९ मार्चच्या आठवड्यात त्यांच्या अर्थांसाठी सर्वाधिकपणे गुगल केली गेली (आणि तरीही कोणालाही त्याचा अर्थ उमगला नाही) असं ऐकून आहे !!

३. ९ एप्रिलच्या लेखातला हा असाच अजून एक विनोदी उल्लेख.

स्त्री-ब्लॉगर फक्त स्वत:बद्दल लिहितात म्हणून त्या किती छानपैकी हेतू तपासू शकतात, असा छुपा वारही कुणी करू नये. 

असले तिरपागडे आरोप अन्य कोणी नाही तर स्वतः श्री श्री अभिनव गुप्त करताहेत हा तपशील ते सोयीने विसरताहेत. 

४. २३ एप्रिलच्या लेखातला शेवटच्या परिच्छेदातला हा उल्लेख बघा.

आणि ‘च्यायला.. हेही ब्लॉगर झाले’

आणि श्री अभिनव गुप्त यांची एकूण शब्दनिवड पाहता मला १०१% खात्री आहे की त्यांनी शीर्षकातही हाच शब्द वापरला असणार परंतु आपण किंवा आपल्यासारख्या एखाद्या ज्येष्ठ आणि ज्ञानी संपादक/पत्रकाराने वेळीच हस्तक्षेप करून 'च्यायला' ला 'अरेच्चा' मध्ये बदललं असेल. त्यामुळे २३ एप्रिलच्या लेखाचं शीर्षक 'वाचावे नेट-के : अरेच्चा.. हेही ब्लॉगर झाले !' असं मर्यादापूर्ण दिसतोय. माझ्या तीस वर्षांच्या वर्तमानपत्र वाचनाच्या अनुभवात  'च्यायला' सारखा शब्द संपादकीय पानावरील स्तंभात वाचण्याचा हा केवळ पहिला आणि कदाचित एकमेवच योग !!

ब्लॉगर्सवरील यथेच्छ लाथाळीने भरलेल्या या सदरातील आत्तापर्यंतच्या लेखांमध्ये एक अपवाद मात्र नक्कीच दिसला. तो म्हणजे श्री चंद्रशेखर आठवले यांच्या ब्लॉगविषयीचा ७ मे २०१२ चा लेख. पण अर्थात एकही अपशब्द न वापरता किंवा खोडसाळपणा न करता हा लेख लिहिण्याचं कारण म्हणजे म्हणजे श्री अभिनव गुप्त यांच्या विचारात झालेला बदल नसून श्री गोखले यांच्यासारख्या ज्ञानी, तल्लख आणि व्यासंगी ब्लॉगरबद्दल अपशब्द काढण्याएवढी आपली पात्रता नाही की प्राज्ञा नाही हे श्री अभिनव गुप्त यांनी त्यांच्या सुदैवाने ओळखलं हे आहे. !!!

आता अजून एक अतिशय महत्वाचं परंतु कित्येकांना न रुचणारं निरीक्षण नोंदवू इच्छितो. ज्या ब्लॉग्जची अतिशय स्तुती करण्यात आलेली आहे ते ब्लॉगर्स एक तर कुठल्या ना कुठल्या मराठी संकेतस्थळाचे प्रतिनिधी आहेत किंवा ज्यांनी कुठल्याही मराठी संकेतस्थळाशी जाणीवपूर्वकच संबंध ठेवलेला नाही (उदा श्री चंद्रशेखर आठवले). माझ्या ब्लॉगची शप्पत घेऊन सांगतो की त्यांच्याची माझं वैयक्तिक शत्रुत्व मुळीच नाही की त्या ब्लॉग्जचं कौतुक झाल्याबद्दल माझ्या मनात यत्किंचितही असूया नाही. उलट एक मराठी ब्लॉगर या नात्याने दुसऱ्या एका मराठी ब्लॉगरचं कौतुक होणं हे माझ्यासाठी खचितच अभिमानास्पद आहे आणि त्याउपर जाऊन म्हणायचं तर श्री अभिनवगुप्त सारख्या छिद्रान्वेषी इसमाला निदान कुठल्यातरी ब्लॉगबद्दल त्या ब्लॉगला लाथा न घालता निव्वळ स्तुरी करावीशी वाटली हे पाहून तर तो अभिमान अजूनच दुणावला. असो.

श्री अभिनव गुप्त यांच्या माझ्यासारख्या मराठी ब्लॉगर्सच्या ब्लॉगपोस्टमधील लिंक्स मधून (का होईना) वाचक वाचावे नेटके पर्यंत पोहोचोत अशा विक्षिप्त हेतूला बळी न पडता मुद्दामच वाचावे नेटकेच्या लिंक्स न देता लेखांतले आक्षेपार्ह उल्लेख इथे कारणांसहित नोंदवले आहेत. तुम्ही त्याची योग्य ती दखल घ्यालच. अर्थात फक्त दखलच आणि कारवाई नाही कारण "च्यायला, हेही पत्रकार झाले !!" 

दर सोमवारी प्रसिद्ध होणारे हे सगळे लेख इतक्या काळजीपूर्वक आणि बारकाईने वाचता की नाही याची खात्री नसल्याने मुद्दाम सगळे मुद्दे आणि आक्षेप कारणांसहित तुमच्यासमोर मांडत आहे. जाता जाता एकच छोटा प्रश्न विचारावासा वाटतो की इतक्या मोठ्या वृत्तपत्रात अशा प्रकारचं सदर चालवणं यासाठीची पात्रता काय आहे? कारण आजच्या घडीला कित्येक ब्लॉगर-पत्रकार आंतरजालावर आणि वर्तमानपत्रांमध्ये उपलब्ध आहेत जे वृत्तपत्रीय लेखन आणि ब्लॉगलेखन हे दोन्ही सारख्याच ताकदीने सांभाळतात आणि त्यातल्या कित्येकांना मी वैयक्तिक ओळखतो. कदाचित ते श्री अभिनव गुप्त यांच्यापेक्षा वयाने आणि पदाने कनिष्ठ असतील परंतु त्यांचं लेखनकौशल्य निर्विवादपणे श्री अभिनव गुप्त यांच्यापेक्षा ज्येष्ठ आहे तसंच कुठलाही पूर्वग्रह ठेवून दुषित लिखाण न करता निर्भेळ लेखनावर त्यांचा अधिक विश्वास आहे हे मी छातीठोकपणे सांगू शकतो आणि अशी अनेक नावं मी याक्षणी सुचवूही शकतो !!

So, Mr Girish Kuber, Are you watching closely??

तळटीप : हेच पत्र मी श्री गिरीश कुबेर आणि श्री अभिनव गुप्त यांना त्यांच्या इमेल आयडीवर पाठवलं आहे.

माझे वृत्तपत्रीय लिखाण !!

ते वर वृत्तपत्रीय लिहिलंय तिथे खरं म्हणजे वृत्तपत्रविषयक हवंय. पण ठीके. (दुर्दैवाने) मराठी वृत्तपत्रं वाचत वाचतच लहानाचे मोठे झालेल्या माझ्या पिढीतल्या मराठी वाचक/ब्लॉगरच्या हातून ब्लॉगपोस्ट लिहिताना एखादा शब्द इकडचा तिकडे झाला म्हणून फारसा काही फरक पडत नाही. संपूर्ण वृत्तपत्रात अचूक शब्द, शुद्ध वाक्य, योग्य व्याकरण 'आवाहन'  दिलं तरी सापडणार नाही याची खबरदारी घेणाऱ्या तथाकथित संपादक, उप-संपादक आणि सहायक संपादक यांनी अशा फुटकळ कारणांवरून समस्त ब्लॉगविश्वाला धारेवर धरण्याची 'आवशक्यता'  नाही.

आता ही परवाचीच गोष्ट बघा ना.

पेपर : मटा
दिनांक : ३० एप्रिल
सदर : अग्रलेख.... (होय होय अग्रलेख.. संपादकीय पान !!)
शीर्षक : लक्ष्मणाला वनवास


आता यातल्या शेवटच्या परिच्छेदातली पहिली ओळ वाचा.

"११ वर्षे हा प्रदीर्घ काळ आहे आणि लक्ष्मण आता या शिक्षेला आवाहनही देतीलच."

शिक्षेला आवाहन??? आमच्या मराठीच्या बाईंनी आम्हाला शिक्षेला आव्हान की कायसंसं शिकवलं होतं. पण ते चूक असावं. संपादक साहेब कसे चुकतील??

आता कोणी म्हणेल "बरं बाबा चुकला एक शब्द. मग त्यात एवढं विशेष? भलेही संपादकीयातला असला म्हणून काय झालं? त्याच्यासाठी वेगळी पोस्ट टाकण्याची काय 'आवशक्यता' ? सॉरी.. काय आवश्यकता?"..... म्म्म्म्म वो ही तो बात हय.. सचिनची प्रत्येक धाव हा ज्याप्रमाणे नवीन विक्रम असतो त्याप्रमाणे मटानेही संपादकीयात अशी (म्हणजे अर्थ पार बदलून टाकणारी) मोठी चूक करून स्वतःचे आधीचे सगळे विक्रम मोडून टाकलेत. पूर्वी कसं छोट्या छोट्या बातम्यांमध्ये, (कदाचित) शिकाऊ पत्रकारांनी केलेल्या चुका असत पण यावेळी खुद्द संपादक महाशयच त्यांना सामील आहेत !! हा विक्रम मराठी वृत्तपत्रविश्वात पुढची दहा हजार वर्षं कोणी मोडू शकणार नाही याची आम्ही गवाही  सॉरी.. ग्वाही देतो !!!

तर वेगळी पोस्ट टाकण्याचं कारण हेच की हा शंभरावा घाव होता. आधीच्या नव्व्याण्णव घावांची जंत्री आम्ही सर्व बझर/ब्लॉगर मंडळींनी पूर्वी बझवर मांडली होती. आज ती यादी समस्त ब्लॉगर वाचकांना खुली करून देण्याची वेळ आलीये.. कारण शेवटची आशा म्हणजे संपादक होते पण ते साहेबही अखेरीस त्यांच्या शिकाऊ पत्रकारांच्या साच्यातलेच बनलेले आहेत हे दुर्दैवाने उघड झालं.

आता कोणी म्हणेल की "आम्ही हे असंच लिहिणार!! एवढा त्रास होतो तर कशाला वाचता वर्तमानपत्र. नका वाचू ना." तर अशांना आमचं एवढंच सांगणं आहे की "हा ब्लॉगही आमचा आहे आणि आम्ही असेच लिहिणार.. नसेल झेपत तर ..... !!!! "

असो. तर हा त्या बझचा  दुवा. खाली पूर्ण बझही चिकटवतो आहेच. आम्ही शोधलेली प्रत्येक चूक कुठल्या बातमीतली आहे याचे दुवेही सुदैवाने आम्ही संग्रहित करून ठेवले होते. त्यामुळे उगाच आकसापोटी हे काही चाललंय अशातलाही भाग नाही... सगळं अगदी "पुराव्याने शाबीत करीन!!"  ;)

साधारण एक वर्षापूर्वी म्हणजे एप्रिल २०११ मध्ये हा बझ चालू झाला आणि जवळपास पुढचे ८-१० महिने हा चालू होता, वहात होता अक्षरशः आणि (दु)सुदैवाने तो असाच वाहता राहील याची जीवापाड काळजी मटा (आणि अधून मधून लोकसत्ता, सकाळ इ इ ) नी घेतली. शेवटी आम्ही कंटाळलो आणि थांबवला तो बझ. पण अर्थातच मटा काही थांबला नाही आणि ते त्यांनी आज 'आवाहन' देऊन सिद्ध केलंच आहे. खेदपूर्वक एवढंच सांगावंसं वाटतं की आम्ही मटाचे संपादक आणि ऑनलाईन संपादक यांच्याशी वैयक्तिक संपर्क करून हा प्रकार थांबवण्याविषयी कळकळीची विनंती केली होती. परंतु काहीही फरक पडलेला नाही हे आपण पाहतोच आहोत !!! असो... एन्जॉय..

-------------------------------------------------------------------

हेरंब ओक Heramb Oak  -   - 

Buzz

 -  Public

http://maharashtratimes.indiatimes.com/articleshow/7922435.cms

वर्स्ट वर्स्ट वर्स्ट वर्स्ट वर्स्ट ऑफ मटा !!!!

>> पाकिस्तानी खेळाडूंना इंग्लिश भाषेची पुरेशी जाणकारी नसल्याने ही सगळी माहिती उर्दू भाषेतही पुरवण्यात आलीय.

जाणकारी ????

>> या श्रेणीतील खेळाडूला वनडेसाठी साडेतीन लाख रुपये, वनडेसाठी तीन लाख, तर टी-२०साठी अडीच लाख रुपये मॅचफी मिळते.

नक्की किती? साडे तीन की तीन लाख?

>> २५ हजार रुपायांचा विशेष भत्ता मिळतो.

रु पा यांचा??

>> विशेष एखाद्या खेळाडूला मिळाणारी बक्षीस रक्कमही संघात वाटून घेतली जाते

विशेष एखाद्या म्हणजे काय?
मि ळा णारी ???????
बक्षीस रक्कम??????? की बक्षिसाची रक्कम?

अर्ध्या बातमीत एवढ्या चुका???????

एवढं झाल्यावर मात्र मी ती बातमी सोडून दिली आणि मटा वाचणं निदान आजच्यापुरता तरी बंद केलं आणि लोकसत्ता वाचायला घेतला !

पाकिस्तानी खेळाडूंना पगारवाढ नाही!-क्रिकेट -क्रीडा-Maharashtra Times

276 comments

abhijit n  -  अरे वा ! मी आताच प्रतिक्रिये मध्ये शिव्या हासडून आलो आणी तुझी पोस्ट पाहिली. मला न सापडलेल्या चुका तू शोधल्या आहेस. छान.

हेरंब ओक Heramb Oak  -  :) .. मटाची फाडताना मेंदू थोडा जास्तच शार्प होत असल्याने असेल :P

Sagar Katdare  -  Ma-Ta ne Ma-Ti khalli ch ... :-|

Nachiket Karve  -  दुःख, हळहळ, संताप आणि निषेध

Nisha Bidkar  -  त्यामुळे सामन्यांद्वारे मिळणारे आथिर्क उत्पन्न नाही..........आथिर्क ...... अरे ते आर्थिक असे पाहिजे ना?

हे असलं वाचून मला माझ्या शुद्धलेखनाबद्दल शंका यायला लागली आहे!!!!

Anish Sane  -  आथिर्क!!!
हे म्हणजे आशीर्वाद ला आर्शिवाद किंवा औद्योगिकीकरण ला औद्योगीकरण म्हणण्यासारखं झालं

Anish Sane  -  आठ ते तीन सामन्यांना मुकावे लागेल!
"तीन ते आठ सामन्यांना मुकावे लागेल" असं म्हणायचं असावं

Vidyadhar Bhise  -  प्रचंड आवरा आहे यार... मला नोकरी द्या राव मटात.. मटाचा द इकॉनॉमिस्ट करून दाखवेन मी ;)

आनंद पत्रे Anand Patre  -  विभिची कमेंट लाईक .. ;)

Raj Jain  -  13 Apr 2011 ची बातमी व राष्ट्रीय सुरक्षा वार्षिक अहवालाचा घटक असलेल्या हा इंडेक्स परराष्ट्र मंत्री एस . एम . कृष्णा १९ एप्रिल २०१० रोजी प्रसिद्ध करणार आहेत

अवघड मटाचे...

abhijit n  -  पुन्हा तेच ही बातमी http://maharashtratimes.indiatimes.com/articleshow/7970346.cms >>पण पुजा-यांच्या अधिका-यात आम्ही हस्तक्षेप करू शकत नाही, असे समितीचे म्हणणे आहे
अधिका-यात?

abhijit n  -  आणखी एक http://maharashtratimes.indiatimes.com/articleshow/7971561.cms

>>वादग्रस्त बहुमजली आदर्श इमारत पाडावी, असा आदेस केंद्रीय पर्यावरण खात्याने आदर्श सोसायटीलाच दिला होता.
आदेस??
>>आदेशाची अमलबजावणी करण्यासाठी
अमलबजावणी की अम्मलबजावणी?

>>परवानग्या एमएमआरडीने दिल्या असल्याने इमारत पाडण्याची कारवाई ...
एमएमआरडीने की एमएमआरडीएने??

हेरंब ओक Heramb Oak  -  च्यायला कोणाच्या ओळखीचा मटावाला असेल एखादा तर त्याला फॉरवर्ड करा हा बझ... त्याला सांगा की मालकाला म्हणावं पेपर (!!!???) बंद करा !!

हेरंब ओक Heramb Oak  -  एक सामान्य वाचक म्हणून मी मटालाच दोष देणार !!!

Raj Jain  -  एक सामान्य वाचक म्हणून मी मटालाच दोष देणार !!!
+11111111111111111111111111111

tanvi deode  -  >>>एक सामान्य वाचक म्हणून मी मटालाच दोष देणार !!! +1

abhijit n  -  http://maharashtratimes.indiatimes.com/articleshow/7778148.cms >> अशा प्रकारे एकाच घोटाळ्यात लष्कराचे तब्बल दहा वरिष्ठ अधिकारी सापडण्याची ही पहिलीच वेळ आहे, असे लष्करच्या कोर्टाने सांगितले.
लष्करच्या की लष्कराच्या? ( क्षणभर हे लष्कर ए तोयबा बद्दल बोलत आहेत का काय असे वाटले)

abhijit n  -  http://maharashtratimes.indiatimes.com/articleshow/7718898.cms
खालील वाक्याचा अर्थ लावता येत नसल्याने मटा पुढे हात टेकून चुका शोधणे थांबवत आहे.
>>सीबीआयच्या अधिका-यांनी फाटक कुटुंबियांच्या नावावर मुंबईत ३ आणि दिल्लीतील १ अशा चार लॉकर्सच्या चाव्या तसेच , ५० लाखांच्या फिस्क्ड डिपॉडिस्टची कागदपत्रे , २७ बँक अकांऊंट्सबाबतची कागदपत्रे ताब्यात घेतली आहेत.

abhijit n  -  फॉन्टचा प्रॉब्लेम नसावा.
http://maharashtratimes.indiatimes.com/articleshow/7968302.cms >>शिर्डीच्या रामनवमी उत्सवाच्या शतक महोत्सवानिमित्त मंगळवारी शिडीर्मध्ये भक्तांची अलोट गदीर् उसळली होती.
शिडीर्मध्ये?? गदीर् ??
पहिल्या शब्दात शिर्डी व्यवस्थित लिहिता येते मग नंतर का नाही?

Vidyadhar Bhise  -  जाऊ द्या रे बिचार्‍या मटाला.. कशाला पीडताय! :P

Raj Jain  -  बजाओ!!!! ढुम ढुम ढुम!!!!

Devdatta देवदत्त Ganar गाणार  -  Matachya marathi/devanagari font cha problem ahe.. Paper cha nahi
असे कसे? आपण तर ते शब्द बरोबर लिहिलेत आणि इतर संकेतस्थळेही ह्याच फाँटवर चालतात. ते कसे बरोबर असतात? :)

हेरंब ओक Heramb Oak  -  आज मी अजून मटा उघडलेलाच नाहीये.. भीती वाटतेय अजून काय काय वाचावं लागेल..

Devdatta देवदत्त Ganar गाणार  -  भिऊ नकोस हेरंब. आम्ही तुझ्या पाठीशी आहोत ;)

हेरंब ओक Heramb Oak  -  जुना जोक मारणार होतो..... म्हणूनच ;)

abhijit n  -  नवा दिवस नव्या चुका
http://maharashtratimes.indiatimes.com/articleshow/7981165.cms >>पाणीपुरीवाले भय्ये पुरीशी स्वच्छता बाळगत नसल्याचे कारण देत....
पुरीशी?

Pravin Patade  -  abhijit, tyaanna bahutek paanipuri madhalyaa purishee mhanaayache asel :D

Anish Sane  -  मी पण प्रविणचीच कमेंट मारणार होतो....

हेरंब ओक Heramb Oak  -  मी पण :)

Devdatta देवदत्त Ganar गाणार  -  विश्‍वकरंडक क्रिकेट स्पर्धेमुळे आयपीएलला जास्त प्रतिसाद लाभणार अशी चर्चा होत आहे. त्यातच अनेक ठिकाणी स्टेडियममध्ये जागा शिल्लक असल्यामुळे त्यास पुष्टी मिळत आहे, पण आकडे वेगळेच सांगत आहेत
http://72.78.249.107/esakal/20110414/4958660690133934496.htm

जागा शिल्लक आहे म्हणजे प्रतिसाद लाभतोय? आणि आकडे वेगळे सांगत आहेत? वाक्य काही कळले नाही बुवा.

आनंद पत्रे Anand Patre  -  ह्यांच्या मराठीची वाट लागली आहे.. सोडून द्या :P

Pravin Patade  -  sakal, you too????

Anish Sane  -  वरची कमेंट you too brutus? च्या धर्तीवर वाचायची आहे का?

Pravin Patade  -  Actually it can be read in that way too :) I thought of Madhuri dixit in Prahaar... She keeps saying this one.

Devdatta देवदत्त Ganar गाणार  -  मी ते "डॉक्टर.. तुम्हीसुद्धा ?" च्या धर्तीवर वाचली तर चालेल का? ;)

abhijit n  -  मटा सुधारतोय मित्रहो. एक बातमी व फक्त सात चुका. ब्राव्हो !

http://maharashtratimes.indiatimes.com/articleshow/7988054.cms >>गेले काही दिवस राजकीय आदोंलनाचा
आदोंलन की आंदोलन?
>>या विषयावर निर्णय घेण्यासाठी आजा गृहराज्यमंत्र्याच्या बैठक बोलावली होती.
आजा??
गृहराज्यमंत्र्याच्या??
>>उद्यापासून या निर्णयाची अंमलबाजावणीही होईल.
अंमलबाजावणी??

>>अंधश्रद्धा निर्मुलन समितीचे
निर्मुलन की निर्मूलन

>>पुरुषांना गाभा-यात जिथंपर्यंत प्रवेश दिला जातो
जिथं??
>>१० ते ११ : ३० यावेळात
यावेळात की या वेळेत?
>>भाजपच्या नेत्या नीता केळकर यांच्या नेतृत्वाखाली दहा एक महिलांनी बुधवारी गाभारात प्रवेश केला होता
गाभारात??

Devdatta देवदत्त Ganar गाणार  -  ते लोक ह्यावरून प्रेरित असतील किंवा मग निदान आपण तरी वाचताना हे लक्षात ठेवू आता ;)
http://www.funny-potato.com/read-this.html

हेरंब ओक Heramb Oak  -  हाहाहा अभिजीत... वॉटसन कडून बॅट भाड्याने घेतलीस की काय तात्पुरती? ;)

हेरंब ओक Heramb Oak  -  हाहाहा देगा..

abhijit n  -  @हेरंब: होय अरे. आता एक दोन सिक्सर नाही मॅचच जिंकून द्यायची आहे. मटा संपादकांना पत्र पाठवलं आहे. @
देगा ऑफिसातून दिसत नाही तो दुवा. घरी गेल्यावर पाहीन.

Devdatta देवदत्त Ganar गाणार  -  सचिनचं (वान)खडे-खडे शतक, कोचीची धुलाई
मटा ला आवरा..... त्यांची शब्दरचना आता डोक्यात जायला लागलीय...

हेरंब ओक Heramb Oak  -  कैच्याकै !

सिद्धार्थ .  -  म.टा.ची प्रत्येक बातमी इथे टाकावी लागेल यारो. सोडून द्या कि राव. खाजवून खाजवून खाज बरी नाही होत.

Pravin Patade  -  या 'होम थिएटर'ची आसनक्षमता पंधरा ते वीस असल्याने कदाचित अख्खी टीम इंडिया सचिनसमवेत एखाद्या सिनेमाचा 'र्फस्ट डे र्फस्ट शो' देखील पाहू शकतो. गौतम गंभीर आणि वीरेंद सेहवाग हे कमालीचे सिनेमा वेडे असल्याने त्यांच्यासाठी हे थिएटर एक सरप्राइजदेखील ठरू शकेल.

एवढी मोठी न्यूज पेपरात टाकल्यावर सरप्राईज ??
सोर्स: अजून कोण? मटा

हेरंब ओक Heramb Oak  -  हाहाहा

abhijit n  -  मित्रहो, आपल्य ह्या बझचा दुवा मटा ऑनलाईन चे चीफ श्री सुहास फडके यांना पाठवला आहे. त्यामुळे या बझवर आपण मटाच्या चुका दाखवून देणे चालू ठेवूया. जेणे करुन या सगळ्यातून काही तरी निष्पन्न होईल व मटा पूर्वी सारखा वाचनीय होईल.

abhijit n  -  सुधारणा आहे. कालच्या ७ चुकांच्या तुलनेत आज फक्त ६ चुका.

http://maharashtratimes.indiatimes.com/articleshow/7998116.cms >>अभिषेक काळात पुरुषांबरोबर महिलांनाही गाभा-यात देण्याचा निर्णय शुक्रवारी .....
काय देण्याचा? प्रवेश लिहायचं विसरले वाटतं !
>>
या बातमीतील पहिले दोन्ही परिच्छेद समान आहेत. कोणतीही वेगळी माहिती ते पुरवत नाहीत

>>त्यांच्यासमवेत मनसे महिला आघाडीच्या ११ अकरा महिलाही उपस्थित होत्या
११ अकरा? म्हणजे ११ गुणिले ११ की फक्त अकरा?
>>देवस्थान समिती व देवीच्या पुजारी मंडळीत महिलांच्या मंदिर प्रवेशाबाबत
मंडळीत??मंडळात म्हणायचे असावे
>>अभिषेक काळात महिलांना गाभा-यात प्रवेश देण्याचा पाच मिनिटांत झाला
काय पाच मिनिटांत झाला? निर्णय लिहिण्याचे विसरले असावेत
>>सरकारकडून प्राप्त होणा-या १२० कोटी रुपयांच्या नियोजन कसे करावे...
रुपयांच्या नियोजन? की रुपयांचे नियोजन

हेरंब ओक Heramb Oak  -  मटाला प्रचंड प्रचंड प्रचंड आत्मपरीक्षणाची आवश्यकता आहे (किंवा मटाच्या भाषेत आवशक्यता आहे !!! )

Pravin Patade  -  आमच्या हापिसात कॉफी आणि कोल्ड ड्रिंक फ्री असतात. म टा मध्ये बहुतेक दारू फ्री असावी

CS Piyu Pari  -  :)

abhijit n  -  http://maharashtratimes.indiatimes.com/articleshow/8002683.cms >>केंदीय अर्थमंत्री प्रणव मुखजीर् यांच्या अध्यक्षतेखाली
मुखजीर्?वा वा क्या बात है !
>>स्थापन झालेल्या मसुदा समितीची बहुचचिर्त बैठक शनिवारी येथे उत्साहात पार पडली
बहुचचिर्त?? आता मात्र कमाल झाली
>>ध्वनिमुदणाची फीत नंतर सार्वजनिक केली जाईल.
ध्वनिमुदणाची की ध्वनिमुद्रणाची??

हेरंब ओक Heramb Oak  -  >> बहुचचिर्त

हाहाहा कमाल आहे !!!

उठा ले उठा ले !!!!!!!!!! इन मटावालोंको !!!!!!!!!!!!!!

हेरंब ओक Heramb Oak  -  Exactly !!!! ते "नंतर सार्वजनिक केली जाईल" वाचून अगदी हेच डोक्यात आलं होतं माझ्याही !!

सुहास झेले  -  संध्यानंदचा ई-पेपर नसण्याची खंत, मटा ऑनलाईन वाचून भागवता येते ;-)

हेरंब ओक Heramb Oak  -  हाहाहाहाहाहाहा ....

आनंद पत्रे Anand Patre  -  हाहाहा .. लई भारी सुझे...

सिद्धार्थ .  -  You said it SuZe...

Vidyadhar Bhise  -  मी नेहमी दुबळ्यांची बाजू घेतो.. त्यामुळे मी मटाच्या बाजूनं आहे.. माफ करा रे एक डाव ;)

हेरंब ओक Heramb Oak  -  बाबा, हे मुर्खांची बाजू घेणं झालं. बाजू घ्यायची असेल तर तर तर.... 'उर्सेगाव बुद्रुकचा बातमीदार' किंवा तत्सम कोणाची तरी घे... अर्थात दर्जाच्या बाबतीत 'उर्सेगाव बुद्रुकचा बातमीदार' हा मटापेक्षा नक्कीच उजवा असेल !! :P ;)

Devdatta देवदत्त Ganar गाणार  -  काय रे, त्या संध्यानंदला ह्यात खेचता? ते एक वेगळ्या धर्तीचे वृत्तपत्र आहे :)
त्यांचे ही म्हणणे आहे पहा..
Doesn’t compete with any other Marathi daily in the whole state due to different and unique content

हेरंब ओक Heramb Oak  -  हाहाहा

हेरंब ओक Heramb Oak  -  .

नवा दिवस नव्या चुका

http://maharashtratimes.indiatimes.com/articleshow/8018239.cms

>> घडवून आणलेल्या आत्मघाती बॉम्ब हल्ल्यामध्ये

आत्मघाती??? की आत्मघातकी?

>> त्या सुरक्षा घे-याजवळ असतानाच

सुरक्षा घे-याजवळ??? म्हणजे नक्की कुठे? सुरक्षा चौकीजवळ का? मग तसं म्हणा ना.. हिंदीवाल्या "'सुरक्षा घेरे' कें पास" चा आंधळा अनुवाद कशाला?

>> या स्फोटात ५ सैनिक मारले गेल्याचे प्रत्यक्षदर्शी सांगत असले

प्रत्यक्षदर्शी ?? म्हणजे काय? 'साक्षीदार' किंवा सरळ 'घटना पाहणारे' असं म्हणा ना? सरळ सरळ हिंदी शब्द का वापरताय ??


MaTaa is a piece of s%^t !!

abhijit n  -  http://maharashtratimes.indiatimes.com/articleshow/8027899.cms >>महापालिका आयुक्त अशोककुमार रणखांब यांच्या नेतृत्वाखालील पालिकेचे घटनास्थळी दाखल झाले
पालिकेचे काय दाखल झाले? पथक लिहिण्यास विसरले असावेत.
>> इथे वीजेची व्यवस्था
वीजेची की विजेची?

आनंद पत्रे Anand Patre  -  मटा वाल्यांना गुगल ट्रान्सलेटर ऐवजी इंडीक वापरायला सांगा राव ...

abhijit n  -  मटाचे अभिनंदन ! परवाचा सात चुकांचा आकडा गाठण्यात मटा यशस्वी !

http://maharashtratimes.indiatimes.com/articleshow/8023884.cms >> कलम १४४ अनुसार ही जमावबंदी लागू करण्यात आली आहे.
१४४ अनुसार असा शब्द प्रयोग मराठीत होतो का? सहसा १४४ या कलमानुसार असा वापर मराठीत होतो. ’अनुसार’ हा शब्द गुगल करुन पहा. तो हिंदीत वापरला जातो असे दिसेल.
>>रत्नागिरी बंदच्या समर्थनासाठी शिवसैनिक मोठया प्रमाणावर रस्त्यावर उतरले आहे.
आहे की आहेत?
>>शहरातील बाजारपेठा बंद ठेवण्यात आल्या आहे.
आहे की आहेत?
>>सोमवारी पोलिसांच्या गोळीबारात तबरेज या आंदोलकाचा मृत्यू झाला होता....तरबेज यांचा मृतदेह ताब्यात घेण्यास
एकदा तबरेज म्हणता एकदा तरबेज म्हणता. कमाल आहे! त्या व्यक्तीचे Tavrez Sejkar असे नाव माझ्या वाचण्यात आले आहे.
>>मृतदेह ताब्यात घेण्यासाठी आंदोलकांच्या पुढील मागण्या केल्या आहेत.
आंदोलकांच्या की आंदोलकांनी?

>>तरबेज यांच्यावर एकच गोळी झाडली गेली
पुन्हा तरबेज
>>आदेश देणारे प्रातअधिकारी
प्रातअधिकारी की प्रांतअधिकारी

abhijit n  -  मटा व रफाराचे वाकडे! एका बातमीत तब्बल १३ चुका. (फॉन्टचा प्रॉब्लेम नाही कारण याच बातमीत बरेच रफार बरोबर आले आहेत)
http://maharashtratimes.indiatimes.com/articleshow/8033249.cms

>>शिवसेनेने मनोहर जोशी, दत्ताजी नलावडे, गजानन कीतिर्कर, रामदास कदम अशी
कीतिर्कर
>>सकाळी ९ वाजेपर्यंत र्कफ्यू जारी केला आहे.
र्कफ्यू?? कसा उच्चार करायचा या शब्दाचा?
>>त्यातच तबरेजच्या मृतदेहाचे पोस्टमॉटेर्म होणार असल्याचे समजताच
पोस्टमॉटेर्म?

>>जमाव संतापला आणि त्यांनी थेट पोस्टमॉटेर्म रूममध्येच
पुन्हा पोस्टमॉटेर्म?

>>यावेळी दोन स्वीपरना जबर मारहाण केली.
स्वीपर? सफाई कर्मचारी हा मराठी शब्द सापडला नाही वाटतं !

>>तबरेजच्या मृतदेहाचे पोस्टमॉटेर्म रोखण्याभोवतीच फिरत होता.
पोस्टमॉटेर्म??
>>कीतिर्कर, कदम यांनी सिव्हिल सर्जन, डॉक्टरांची भेट घेऊन
कीतिर्कर
>>राजकीय दबावाखाली पोस्टमॉटेर्म केल्यास खबरदार
पोस्टमॉटेर्म??
>>अखेर दुपारी तीनला पोस्टमॉटेर्म झालेच
पोस्टमॉटेर्म?
>>यावेळी चचेर्ला उत्तर देताना गृहमंत्री आर. आर. पाटील यांनी
चचेर्ला
>>गोळीबाराबरोबरच जैतापूरमधील उदेकामागे कुणाची
उदेकामागे?
>>सभागृहात गाजलेल्या या चचेर्त उद्योगमंत्री नारायण राणे यांनीही
चचेर्त
>>असा आरोप केंदीय पर्यावरण मंत्री
केंदीय??

हेरंब ओक Heramb Oak  -  महाराषर्ट टाइर्म्स :P :P

abhijit n  -  हेरंब: जबरी ! लोळून लोळून हसतोय ! र्फस्ट क्लास एकदम !

आनंद पत्रे Anand Patre  -  हाहा हेरंबा सहीच...

abhijit n  -  http://maharashtratimes.indiatimes.com/articleshow/8032246.cms >>एखाद्या गोष्टींवर एकमेकांची
गोष्टींवर की गोष्टीवर?
>>वानखेडेवर रंगणारी ही लढतीत गुरू व चेला
ही लढतीत?

हेरंब ओक Heramb Oak  -  हाहा सपा.. खरंय..

सागर .  -  वानखेडेवर रंगलेल्या 'झणझणीत' सामन्यात अखेर मुंबईची भेळपुरी फर्मास, तर पुणेरी मिसळ फिकी पडली.

आवरा

हेरंब ओक Heramb Oak  -  नशीब भेळपुरीच्या ऐवजी पाणीपुरी नाही लिहिलं ;)

हेरंब ओक Heramb Oak  -  नशीब भेळपुरीच्या ऐवजी पाणीपुरी नाही लिहिलं ;)

Pravin Patade  -  काय राव , एकही स्पेलिंग मिस्टेक नसलेलं वाक्य चीअर करायचं सोडून तुम्ही त्याची सुद्धा टेर खेचताय...

हेरंब ओक Heramb Oak  -  प्रवीण, सवयीचा परिणाम रे ;)

abhijit n  -  http://maharashtratimes.indiatimes.com/articleshow/8035597.cms >>यामुळे लंकन खेळाडूंना आयपीएलचा डाव अर्ध्यावरच सोडावा लागणार आहेत.
आहेत???
>>आताही अशीच परिस्थिती उद्भभवल्याने बोर्डाने कडक भूमिका घेत सर्व खेळाडूंना परतीचा आदेश दिला
उद्भभवल्याने? दोनदा भ?

>>कुमार संगक्काररकडे
दोनदा क व दोनदा र ?

रफाराच्या चुकांना वाचक कंटाळू नयेत म्हणून मटाने या आगळ्या वेगळ्या चुका केवळ वाचकांच्या आनंदासाठी आणल्या आहेत!

हेरंब ओक Heramb Oak  -  >> रफाराच्या चुकांना वाचक कंटाळू नयेत म्हणून आगळ्या वेगळ्या चुका

हाहाहा.. च्यायला मटालाच कंटाळलो आहोत आता !!

abhijit n  -  हेरंब,निखिल: मला पण आता चुका शोधून शोधून वैताग आला आहे. मटा ऑनलाईन संपादक श्री सुहास फडके यांना हा धागा पाठवला होता. त्यांचे अजून उत्तर आले नाही किंवा पत्र मिळाल्याची पोच पण आली नाही. मटा वाल्यांनाच कशाची पडलेली नाही तर आपण कशाला उगाच जीव काढायचा? असो.

हेरंब ओक Heramb Oak  -  अगदी अगदी.. मीही म्हणूनच इथे खरडी टाकत होतो. पण मटाला लोकांच्या मताची काही पडली नसेल तर आपण तरी कशाला उगाच बडबड करायची.

आशा करुया की संबंधितांना लवकरच अक्कल येईल !!!

हेरंब ओक Heramb Oak  -  >> ekach bar che girhaaeek.

हाहाहा निखिल.. लोळलो हसून हसून !!

Pravin Patade  -  उद्याची मटा हेड लाईन : मुंबईचा वडा पाव चेन्नईच्या वाड्याला भारी

abhijit n  -  @प्रवीण: मटा मध्ये ट्राय कर ! नक्कीच तुला उचलून धरतील.

हेरंब ओक Heramb Oak  -  प्रवीण, अभिजीत, लोल्झ !! :)

सागर .  -  वीणा'शकाले विपरीत ब्युटी

मटा चीच बातमी आहे

हेरंब ओक Heramb Oak  -  :P

VI NE  -  hey friends
stop this if u wanna read any language paper then go here

http://www.epapergallery.com/index.htm

all may not b there but maximum are available - all scanned - u can feel of reading the original copy of printed paper

note- when u click any title it opens in pop up so afterwards u can copy that in browser or can directly read from pop up

enjoy

म टा - महाराष्ट्राचं टाकावू दैनिक

हेरंब ओक Heramb Oak  -  >> म टा - महाराष्ट्राचं टाकावू दैनिक

सुपर डुपर बंपर लाईक !!!!!!!!!!

Devdatta देवदत्त Ganar गाणार  -  एक मे रोजी प्रजासत्ताकाच्या शुभेच्छा
http://maharashtratimes.indiatimes.com/articleshow/8132647.cms

मटा ने मोठ्या अभिमानाने सरकारवर टीका करत ही चूक दाखवलीय. पण वृत्तपत्रात छापायच्या आधी त्यांना ती चूक दर्शविण्याचे कष्ट घेतले नाहीत... तसेच्या तसे छापले. ;)

सुहास झेले  -  हा हा हा.. !!

सागर .  -  ha ha ha

abhijit n  -  बातमीदार ने घेतला मटाचा समाचार !
http://batmeedar.blogspot.com/2011/04/blog-post_4264.html

हेरंब ओक Heramb Oak  -  खरंच... मटाच्या 'समाचारा' ला जायला हवं ;)

abhijit n  -  एवढी बोंबाबोंब करुनही हे मटाचे कोडगे सुधारलेले दिसत नाहीत. सहज नजर फिरवली तरी १३ चुका सापडल्या. परिस्थिती जैसे थेच आहे. इतर बातम्या पाहण्याचे कष्ट अजून मी घेतले नाहीत.

http://maharashtratimes.indiatimes.com/articleshow/8148208.cms >>गेली १० वषेर् सुरू असलेल्या या मोहिमेला
वषेर्
>>ओबामांच्या कारकिदीर्त यश मिळाल्याने
कारकिदीर्त??
>>पुढील वषीर् होणाऱ्या
वषीर् ??
http://maharashtratimes.indiatimes.com/articleshow/8146969.cms >>कोणललाच थांगपत्ता लागू दिलेला नाही .
कोणललाच??

http://maharashtratimes.indiatimes.com/articleshow/8148255.cms >>तालिबानने चचेर्स यावे
चचेर्स ?
>>साथ सोडून चचेर्साठी तयार व्हावे
चचेर्साठी ??

http://maharashtratimes.indiatimes.com/articleshow/8138973.cms >>तिच्या प्रकृतीला अध्याप कोणताही त्रास जालेला नसून
अध्याप? बाप रे बाप
जालेला? मस्तच की
>>किरणोत्सारी पाणी तात्परत्या साठवण टाकीत
तात्परत्या?? बघा चुका करण्यात मटावाले किती तत्पर आहेत ते

http://maharashtratimes.indiatimes.com/articleshow/8147967.cms

>>दीनानाथ नाट्यगृहात झालेल्या समारंभात हा हे डंपर व मदतीचा निधी आनंदवनाच्या हवाली करण्यात आला.
हा हे? हा लिहावे हे की या विवंचनेत असणा-या पत्रकाराने दोन्ही शब्द लिहून आपली विवंचना संपवलेली दिसते.
>>नाटकाचे निर्माते दिलीप जाधव आणि निमिर्ती सावंत यांनी हा प्रयोग मोफत दिला.
निमिर्ती????
>>तसेच ५१हजारांची मदतीचा धनादेशही त्यांनी डॉ. विकास आमटे यांच्या हाती सुपूर्द करण्यात आला
५१हजारांची???
सुपूर्द की सुपूर्त??
सुपूर्द करण्यात आला? की केला? काय वाक्य रचना आनंदी आनंद गडे !

हेरंब ओक Heramb Oak  -  मायला मटाच्या नावाने आंघोळी करून घ्या राव.

सुहास झेले  -  बाकी विधी पण पार पडून घेऊया आता... ;-)

abhijit n  -  जैसे थे. आता तर बातमीच्या मथळ्यातही चुका.
http://maharashtratimes.indiatimes.com/articleshow/8206579.cms >>सोलापुरात व्यापा-यांच्या कडकडीत बंद
व्यापा-यांच्या??

हेरंब ओक Heramb Oak  -  हाहाहा

Vidyadhar Bhise  -  अरे शिवी घालायची असेल ;)

VI NE  -  i think ma ta uses HIGH QUALITY font which no one has
so ur browser is not able to properly read that font
u ill need RAJANIKANT FONT to read ma ta correctly

सुहास झेले  -  त्यांच्या चुकांसमोर रजनीने पण हात टेकले आहेत... :)

Abhishek Shinde  -  HIGH QUALITY font which no one has
so ur browser is not able to properly read that font >>>>
माझ्या घरी येणार वृत्तपत्राचा कागद पण तो फोन्ट नाही समजू शकत बहुतेक... येडच आहे... कोणाला माहित आहे का अशा कागदा साठी काय इन्स्टाल कराव लागेल! हे हे हे ... !

abhijit n  -  मटाचा मराठीशी पंगा !
http://maharashtratimes.indiatimes.com/articleshow/8254170.cms >>मुख्यमंत्री मायावती यांच्याशी घेतलेला हा पंग्यामुळे अखेर रात्री उत्तर प्रदेश पोलिसांनी त्यांना अटक केली.
हा पंग्यामुळे???

हेरंब ओक Heramb Oak  -  .

च्यायला मटाशीच पंगा घेऊन दंगा करून झाला तरी त्यांना ढिम्म काही फरक पडत नाही.

खरोखरीच मटा आता फक्त पोराटोरांनी उकिडवं बसायला वापरायच्या लायकीचाच राहिलाय !!!!!!!!

सुहास झेले  -  माटा माटा गो... माटा माटा गो :)

abhijit n  -  http://maharashtratimes.indiatimes.com/articleshow/8269922.cms >>राहुल गांधींनी केलेलं धरण आंदोलन ही नौटंकी आहे.
धरण या शब्दाचा मला तरी पाणी अडवण्यासाठी बांधतात तो असा एकच अर्थ माहित आहे.
>>मायावती सरकारविरोधात शेतक-यां छेडलेल्या आंदोलनात
शेतक-यां?? निषाद लावायचे विसरले की काय !
>>ग्रेटर नोएडातील भट्टा पारसूल , भट्टा परसौलमधील घटना
पारसूल की परसौल एकदा काय ते ठरवा हो !

Aparna S  -  'धरणं धरणे' हा एक शब्दप्रयोग आहे...पण "केलेलं धरण" हा मटा चमत्कार आहे...निदान "बांधलेलं धरण" म्हणायचं आणि पूर्ण विनोदी तरी करून टाकायचं...

Devdatta देवदत्त Ganar गाणार  -  http://72.78.249.107/esakal/20110511/4849417844979941988.htm
'विकिलिक्स' या संकेतस्थळाने गेला काही काळ अमेरिकी दूतावासांच्या हजारो तारांचा तपशील फोडून जगभर मोठा गदारोळ उठविला होता.
cables चे थेट भाषांतर? :)

abhijit n  -  http://maharashtratimes.indiatimes.com/articleshow/8276381.cms >>आर्थिक घसरणीची भीतीने 'सेन्सेक्स'ही घसरला
घसरणीची भीतीने??
>>वाढत्या महागाईमुळे आथिर्क वाढीला
आथिर्क ??
>>'सेन्सेक्स' निदेर्शांक १८,६१०.०२
निदेर्शांक??
>>औद्योगिक उत्पादनाच्या निदेर्शांकाची आकडेवारी
निदेर्शांकाची
>>उत्पादन घटल्यास आथिर्क वाढ
आथिर्क ?
>>झाल्याचे ब्रोकरेज र्फम्सकडून
र्फम्सकडून??

आणि आता येत आहे मटाची आजवरची सर्वात जबराट चूक !
>>वाढत्या महागाईमुळे रिर्झव्ह बँकेला
रिर्झव्ह??????????????????????????
(मोठ्याने उच्चार करुन पाहू नये. परिणामास बझकार जबाबदार नाही. मटास पकडावे !)

हेरंब ओक Heramb Oak  -  प्रचंड लोलमॅक्स.. आवरा !!!!

Pankaj Z  -  LOL !!!

Pravin Patade  -  रिर्झव्ह??????????????????????????
(मोठ्याने उच्चार करुन पाहू नये. परिणामास बझकार जबाबदार नाही. मटास पकडावे !).... LOL

Saurabh Vaishampayan  -  मला मटा कधीच आवडला नाही, शिवाय टाईम्सची बॉम्बे टाईम्स ही पुरवणी "बॉम्बे टाईम्स" आहे कि बेंबी टाईम्स आहे हेच समजत नाही, खरतर पेज ३ हा प्रकारच डोक्यात जाणारा आहे. हां एखाद्या कलाकाराने काय चांगले वाईट काम केले, समाजात काय चांगली वाईट कामे केली ते प्रकाशित करेतो ठिकही आहे पण आयच्या घोऽऽऽऽ त्यांच्या पार्ट्या आणि त्यांच्या लफड्यांनी - लग्नांनी आमच्या आयुष्यात काय फरक पडतो?

Alhad Mahabal  -  बेंबी टाईम्स
ROFL!

हेरंब ओक Heramb Oak  -  >> बेंबी टाईम्स

प्रचंड !!!!!!!!!!!!!!!!!!!!!! हाहाहाहा

abhijit n  -  >>>> बेंबी टाईम्स :):):) भारीच ~

हेरंब ओक Heramb Oak  -  http://maharashtratimes.indiatimes.com/articleshow/8523711.cms

>>'नभ मेघांनी आक्रमिले'... अशी स्थिती असतानाही रसिकांनी भरभरून दिलेला प्रतिसाद पाहून ठाण्यातील भारतीय इनोव्हेशन्सच्या 'द स्वरा शो'च्या पहिल्याच आवर्तनाला उत्तम प्रतिसाद लाभला.

नक्की काय म्हणायचंय??? च्यायला चांगल्या बातमीचीही वाट लावून टाकतात $%^$%&^

सुहास झेले  -  हेरंब, अनुवाद करून देत जा रे बातम्या, मराठी वापरत नाही आजकाल ही लोक...

हेरंब ओक Heramb Oak  -  हाहाहा

हेरंब ओक Heramb Oak  -  http://maharashtratimes.indiatimes.com/articleshow/8558379.cms

>> आसिफ बलवा आणि राजीव अगरवाल हे कुसेगाव फ्रुट्स अँड व्हेजिटेबल्स प्रायव्हेट लिमिटेड कंपनीचे संचालक असून शाहिद बलवाचे त्या कंपनीचा एक भागिदार होती.

या वाक्याचा अर्थ समजावून सांगणार्‍या व्यक्तीस मटा आयुष्यभर मोफत देण्यात येईल !!!!! ;)

abhijit n  -  >>मटा आयुष्यभर मोफत
हेरंब. एवढी मोठी शिक्षा नको रे त्याला !:)

हेरंब ओक Heramb Oak  -  अरे हो की खरंच.. थांब बदलतो.

त्या व्यक्तीस आयुष्यभर मटोनेअर मोफत देण्यात येईल.

Swami Sanketanand  -  :D :D :D

Vidyadhar Bhise  -  >>शाहिद बलवाचे त्या कंपनीचा एक भागिदार होती.
फार म्हणजे फार भारी.. व्याकरणाची विविध रूपे एकाच वाक्यात समजावून सांगण्याची हातोटी फक्त मटाकडे आहे! :D

Swami Sanketanand  -  :D :D :D

हेरंब ओक Heramb Oak  -  आपण क्रियापद चालवतो. मटावाल्यांच्यात क्रियापद पळवतात :)

Swami Sanketanand  -  arey, sadhya patrakaranche vaachan shoonya, tyatalya-tat te astat English Medium che , Marathi ji ghari thodifar bolat astil tich !! ase highly qualified patrakar astil tar hech haal honar re !

Swami Sanketanand  -  One Fact : Sadhya Papermadhe yenarya bahutansh lekhapenksha kityek pat changle lekh bloggers lihitat.. tumhi bloggers na najareaad karu shakat nahi !

abhijit n  -  @स्वामी बरोबर बोललात. उदा. सुधीर काळे

महेंद्र .  -  लोळागोळा.. हसून हसून पुरेवाट झाली.
जबरी पोस्ट होईल.. हे असंच जरी ब्लॉग वर टाकलं तरी एक परीपुर्ण पोस्ट होऊ शकते. लोकांनाही समजेल मटा किती महा टाकाऊ पेपर आहे ते..

Aparna S  -  महा टाकाऊ...Lolz....

Devdatta देवदत्त Ganar गाणार  -  :)
बातमी आणि जुना संदर्भ बरोबर असला तरी ह्यांचाही थांबा चुकला ;)
लोकलने चुकवला स्टेशनचा थांबा! http://maharashtratimes.indiatimes.com/articleshow/8564414.cms

ह्या बातमीत जरी सेवाग्राम एक्स्प्रेसने भांडुपचा थांबा चुकवल्याची घटना ताजी असताना
असे म्हटले आहे तरी मूळ थांबा 'ठाणे' आहे.

त्यांनी स्वतःचीच बातमी नीट वाचली नाही :)
'सेवाग्राम' विसरली ठाण्याचा थांबा! http://maharashtratimes.indiatimes.com/articleshow/8157498.cms

हेरंब ओक Heramb Oak  -  मटा = महाटाकाऊ... प्रचंड !!!!!!!

हेरंब ओक Heramb Oak  -  हाहाहा देगा :)

abhijit n  -  http://maharashtratimes.indiatimes.com/articleshow/8558877.cms >>जोपलीन येथील मिसौरी शहराला चक्रीवादळाने तडाखा दिला आहे
मिझुरी शहर केव्हा पासून झालं?
>>कन्सास, मिसौरी, डल्लास, टोपेका आणि विचिता, ओक्लाहोमा शहर व टुल्सा या शहरांनाही धोक्याचा इशारा दिला आहे.
सब घोडे बारा टक्के. स्टेट असो वा शहर सगळ्यांना शहर बनवून टाकले आहे. उच्चार तर कसले भारी कन्सास डल्लास मिसौरी ! आय हाय क्या बात है ।

Devdatta देवदत्त Ganar गाणार  -  मटावर पहिल्यांदा http://maharashtratimes.indiatimes.com/articleshow/8587462.cms ह्या बातमीत एखाद्या संकेतस्थळाचा पत्ता नीट रोमन अक्षरात दिसला. :)

Devdatta देवदत्त Ganar गाणार  -  लोकसत्ताही स्पर्धेत उतरायच्या तयारीत आहे का?
http://www.loksatta.com/index.php?option=com_content&view=article&id=159303:2011-05-25-19-25-56&catid=73:mahatwachya-baatmyaa&Itemid=104

मेट्रो रेल्वे प्रकल्पासाठी केंद्राच्या अतिरिक्त साह्य निधीतील उर्वरित रक्कम रोखण्यात आली आहे, असे केंद्रीय नगरविकास राज्यमंत्री सौगत राय यांनी शिवसेनेचे खासदार संजय राऊत यांनी पत्राद्वारे कळविले आहे.

abhijit n  -  सकाळही मागे नाही
>>http://72.78.249.107/esakal/20110526/4698720559456139118.htm
जनतेला आर्थिक दृष्ट्या सबळ करण्याचा उद्दिष्ट.
महारा÷ट्रातून केंद्रात आल्यानंतर

हेरंब ओक Heramb Oak  -  #$%$%^%&$%@@@ मायला, सगळेच बाटलेले !!

abhijit n  -  हेरंब, सगळ्यांचा दोष वाटत नाही मटाचेच एक दोन पत्रकार सकाळ लोकसत्तेत गेले असतील !

हेरंब ओक Heramb Oak  -  हाहा.. बरोबर अभिजीत :)

abhijit n  -  http://maharashtratimes.indiatimes.com/articleshow/8986680.cms >>या गाडीची किंमत ८७ हजार डॉलर्स, म्हणजे सुमारे चार कोटी रुपये असल्याचं समजतं

करा गणित करा ८७०००*४५ =३९,१५,००० चाळीस लाख म्हणजे काही चार कोटी नव्हे. मटावाले गणितात पण नापास !

Pravin Patade  -  and nissan GTR ferrari peksha bhari.... waah re waah... :)

महेंद्र .  -  चाटे गुरुजींचे क्लासेस लावा म्हणावं आता!! प्रचंड मुर्खपणा, राष्ट्रीय पातळीवर छापील स्वरूपात!!!

सिद्धार्थ .  -  जास्त मनावर घ्यायचे नाही. अहो आदल्या दिवशी सचिनला 'कडकी' लागली म्हणून त्याने फेरारी विकली, दुसऱ्या दिवशी मुलाच्या घरासाठी त्याने कर्ज काढले अश्या आवरा बातम्या छापल्या नंतर त्यावर उतारा म्हणून चाळीस लाखाचे चार करोड केले. आले मटाच्या मना तेथे कुणाचे चालेना.

महेंद्र .  -  आता फेरारी विकतांना विकत घेणाऱ्याने एंट्री टॅक्स ( जो सचिनला माफ केला गेला होता ) भरला म्हणूनही बातमी येऊ शकते..

Devdatta देवदत्त Ganar गाणार  -  कुणीतरी मला ह्या वाक्याचा अर्थ सांगा. :)

या प्रकाराबाबत अनेक ग्राहकांनी मोबाईल कंपन्यांच्या कारभारात सुधारणा झालेला दिसत नाही
http://www.esakal.com/esakal/20110627/4840611939287415951.htm

सिद्धार्थ .  -  लहानपणी भाषेच्या पेपरातला प्रश्न आठवला - लिंग बदला.

सुहास झेले  -  हा हा हा ... आता ईईईईई सकाळ असं म्हणतील लोकं ;-)

हेरंब ओक Heramb Oak  -  >> लिंग बदला.

प्रचंड !

Devdatta देवदत्त Ganar गाणार  -  ह्यालाच द्रष्टा म्हणतात ना?
याआधी रविवारी ( २६ जुलै २०११ ) जुन्या मुंबई-पुणे हायवे जवळ असलेल्या माऊंट व्ह्यू रिसॉर्टवर रेव्ह पार्टी सुरू झाली
http://maharashtratimes.indiatimes.com/articleshow/9015086.cms

Alhad Mahabal  -  ROFL!

हेरंब ओक Heramb Oak  -  हाहाहा

महेंद्र .  -  हे वाचलं का?? आधे लोग, बायें जाओ, आधे दायें, बाकी मेरे पिचे आवो...
तसंच हे वाक्य :-
"पार्टीत सहभागी झालेल्या २३१ तरुण आणि ५९ तरुणींना रक्ताचे नमुने घेऊन सोडून देण्यात आले आहे आणि बाकीच्यांना ताब्यात ठेवण्यात आले आहे. पार्टीत तब्बल ३०० जण सहभागी झाले होते."
२३१+५९=३००
मग बाकी किती राहिले ज्यांना सॊडून देण्यात आले??

abhijit n  -  बाकी राहिले १० . २९० सोडले १० पकडले.२३१+५९=२९० होतात. मटावाले बरुबर आहेत या टायमाला.

हेरंब ओक Heramb Oak  -  हाहाहा.. मटावाले चांगलेच जाड कातडीचे आहेत. हा बझ वाचून एखाद्याने पेपर काढणं बंद केलं असतं एव्हाना ;)

Pravin Patade  -  LOL mahendra.. :) I think we will die one day but this buzz will never die

सिद्धार्थ .  -  मटा will not allow this Buzz to die...

Raj Jain  -  मटा will not allow this Buzz to die... +111111111111111

हेरंब ओक Heramb Oak  -  ++++++

abhijit n  -  http://maharashtratimes.indiatimes.com/articleshow/9015571.cms >>क्लबमधील तरणतलाव , स्पा , मजास , रेस्टारन्ट अशा उपक्रमांना ना नफा ना तोटा तत्वावर ....
मजास? मटाला काही बोलण्याची आहे कुणाची मिजास?

>>सदस्य शक्यतो त्या परिसरातीलच असाव्यात असे म्हटले आहे
असाव्यात ? जिमखाने बहुदा स्त्रियांसाठीच असतात असा मटासमज दिसतो !

हेरंब ओक Heramb Oak  -  >> जिमखाने बहुदा स्त्रियांसाठीच असतात असा मटासमज दिसतो !

हाहाहा.. लोळतोय !!!

महेंद्र .  -  अरे हो, च्यायला, माझीच बेरीज चुकली की.. म्हणजे माझा मटा मधला जॉब पक्का!! :)

Vidyadhar Bhise  -  प्रचंड!

Devdatta देवदत्त Ganar गाणार  -  एखादा शब्द, वाक्य चुकीचे असेल तर काही वेळा मान्य करू. लोकसत्ताने तर अख्खा तक्ताच गायब केलाय. :)

प्रिंट साइज, पिक्सेल्स आणि रेजोल्युशनची आदर्श संख्या पुढे दिली आहे
पुढे काही दिलेच नाही :D

http://www.loksatta.com/index.php?option=com_content&view=article&id=166687:2011-06-27-17-37-15&catid=357:tech-&Itemid=360

हेरंब ओक Heramb Oak  -  हाहाहा !!! लोकसत्ताही??

खरंच किती स्पर्धात्मक युग आहे !! प्रत्येक क्षेत्रात स्पर्धा आहे ;)

Aparna S  -  हा हा हा..त्या बातमीतला उपसंपादक नुसता डुलक्या काढत नाही आहे तर कायमचा सुट्टीवर गेलाय बहुतेक...
खरंच किती स्पर्धात्मक युग आहे lol...:)

abhijit n  -  ईईई सकाळ
http://www.esakal.com/esakal/20110629/4875771229316500457.htm
>>श्री. मुंडे यांनी नाराजीचा विस्फोट केल्यानंतर
विस्फोट??सकाळ वाल्यांसाठी हिंदी मराठी भेदाभेद भ्रम अमंगळ !

सुहास झेले  -  हा हा हा ... हास्यस्फोटक भाषा :) :)

Nachiket Karve  -  पण विस्फोट तर आपल्या लोकसंख्येचा होत असतो ना? श्री मुंडे यांना नक्की काय केलं???

सिद्धार्थ .  -  विस्फोट गॅसचा पण होतो. माननीय नेते गेला आठवडा भर पावटे-बटाटे खाऊन मुंबई दिल्ली फिरत होते. खूप वास मारला.

Pankaj Z  -  http://maharashtratimes.indiatimes.com/articleshow/9038791.cms

शहरात "फटक्या", मोकाट कुत्र्यांचा सध्या
लोकांना "चाऊन" ?? !!
ठोस निर्णय "कांही" झाला नाही.

abhijit n  -  http://72.78.249.107/esakal/20110629/5631950444340755906.htm
>>कारवाई दरम्यान पोलिसांकडून कोणतीही अनुसूचित घटना घडलेली नाही
अनुसूचित?
अनुचित लिहिता लिहिता, सू का आठवे ईसकाळा?

Vidyadhar Bhise  -  >>अनुसूचित घटना
हे सर्वोच्च होतं!

हेरंब ओक Heramb Oak  -  अनुसूचित !!!!!!!!!!!!!!!!!!!!!!!!!

ईईईई-सु-काळ ;)

Heramb Oak  -  http://maharashtratimes.indiatimes.com/articleshow/9563461.cms

>> उत्तम इंग्रजी लिहिण्यात, फाडफाड इंग्रजी बोलण्यात आणि अस्खलित वाचण्यात कोकणी आणि मल्याळी मुलांचा पहिला नंबर असल्याचं प्रमाणपत्र एका नामवंत संस्थेनं दिलंय. त्यामुळे मराठी मुलांच्या इंग्लिश स्पीकिंगची थट्टा करणा-या विद्वानांची बोलती बंद होणार आहे.

मटाबाबाने कोकणी आणि मल्ल्याळी मुलांना आपलसं केलं..!!!!!!!!!!!!!!!!!

कोकणी आणि मल्ल्याळी मुलांचा पहिला नंबर आल्याने मराठी मुलांच्या इंग्लिश स्पीकिंगची थट्टा करणा-या विद्वानांची बोलती बंद होणार आहे. !!!!! आवराच !!

Vidyadhar Bhise  -  हाहाहा... प्रचंड भारी!!!!!

सिद्धार्थ .  -  अय्यो हेओ आण्णा कोकणी आणि मल्ल्याळी क्या बी नही होता. मराटी पेपर तो मराटी लोगो को अच्चा बोलनेका.

Heramb Oak  -  http://maharashtratimes.indiatimes.com/articleshow/9579393.cms

हसन अलीचा जामीन मंजूर !!

मटाबाबाने ध चा मा केला.. अली चा नाही रे गधड्यांनो की अली ला !!

Swami Sanketanand  -  हे हिंदी " हसन अली की जमानत मंजूर " चे मराठी भाषांतर आहे ! हा नक्की आमचा नागपूरकर असावा ! :)

Heramb Oak  -  हरामखोर आहेत साले..

Swami Sanketanand  -  कोण ? नागपूरकर ? कुछ बोलनेका नहीं ! हाहाहा ! बाकी मटावाले हरामखोर आहेत यात संशय नाहीच..

Heramb Oak  -  राष्ट्रीय दर्जाच्या वृत्तपत्रात व्याकरणाच्या आणि शुद्धलेखनाच्या चुका करणारा प्रत्येक माणूस मग भले तो नागपूरकर असो पुणेकर असो की मुंबईकर... तो हरामखोर सालाच !!

Swami Sanketanand  -  अरे सध्याच्या पत्रकारांत ना व्यासंग हा प्रकार राहिला नाही. मराठी वाचन जेमतेम, पोटासाठी म्हणून पत्रकारिता करायची.. अर्थात हा सगळा कचरा मटात कसा जातो हा विषयच संशोधनाचा आहे. आचार्य अत्रे आठवतात रे..

abhijit Nilegaonkar  -  >>राष्ट्रीय दर्जाच्या वृत्तपत्रात
मटा (पत्र नव्हे चावट मित्रा) चा राष्ट्रीय दर्जा वृत्तपत्रिकेत नव्हे तर आता पॉर्न फोटो पहिल्यापानावर झळकवण्यामध्ये आहे.

Heramb Oak  -  माझी चूक बिनशर्त मान्य, अभिजीत.. राष्ट्रीय दर्जाच्या पॉर्न पत्रात असं पाहिजे ते !!

suhaas salve  -  hahahahaha LOL

abhijit Nilegaonkar  -  Heramb Oak :)

महेंद्र .  -  हा हा हा.. हेरंब :)

Heramb Oak  -  :D

abhijit Nilegaonkar  -  ब्रेकिंग न्य़ूज पण झोपेतच छापतात मटा वाले.
>>>अण्णा हजारे आणि अरविंद केजरीवाल यांनी पोलिसांच्या ताब्यात घेतले !
यांनी ???? पोलिसांच्या???

Deven .  -  http://maharashtratimes.indiatimes.com/articleshow/9614590.cms

>>>स्वत : आजारी असलेले शम्मी कपूर मोठ्या भावाला अखेरचा निरोप देण्यासाठी बाणगंगेपाशी पोहोचले???
हे लोक बातमी छापण्याआधी एकदाही परत वाचून बघत नाही का ....

Heramb Oak  -  दळभद्री साले !!

Pravin Patade  -  ब्रेकिंग न्य़ूज
पोलिसांनी ताब्यात घेतलेल्या अण्णा हजारे यांना अखेर अटक दाखवण्यात आली ।

Pankaj Z  -  आज पुन्हा ’मटा’ने लायकी दाखवली. उत्क्रांतीचा सिद्धांत यांना लागू होतच नाही का?
फोटोग्राफी दिनानिमित्त त्यांनी फोन करुन आर्टिकल मागवून घेतले. एकतर कालच्या फोटोग्राफी दिनाऐवजी आज छापले. आणि तेही अर्धेच ?

http://farm7.static.flickr.com/6208/6061348849_b0bc485c22_b.jpg

Heramb Oak  -  कसला चुकीचा आणि दिशाभूल करणारा मथळा आहे !!!!

अण्णा आंदोलनावर काँग्रेस काढणार पुस्तिका

http://maharashtratimes.indiatimes.com/articleshow/9678802.cms

Devdatta Ganar  -  गेल्या वर्षी आलेल्या चौथ्या भागाला प्रेक्षकांनी भरभरून प्रतिसाद दिला होता. त्यामुळे पाचव्या भागाबाबत कित्येकांच्या मनात शंका उपस्थित झाल्या होत्या. याला किती प्रतिसाद मिळेल, याकडे सर्वांचे लक्ष लागले होते
http://72.78.249.107/esakal/20110821/5175527618985770046.htm

मालिका स्टार वरुन सोनी वर आली म्हणून गेल्या वर्षी शंका येणे स्वाभाविक आहे किंवा प्रतिसाद नसला तर शंका येऊ शकते. पण भरभरून प्रतिसाद दिल्यावर शंका कसली?

Vidyadhar Bhise  -  काहीतरी नाट्यपूर्ण लिहायचं म्हणून लिहायचं..

Heramb Oak  -  विभि, भर विकांतात भल्या पहाटे उठलास ??

Nachiket Karve  -  आज कधी नव्हे तो सकाळी सकाळी सकाळ उघडला तर पहिल्याच फोटोखाली हे: अण्णा हजारे यांना पाठिंबा देण्यासाठी आज (रविवारी) दहा नागरिकांनी राजधानीत इंडिया गेट ते रामलीला मैदाना दरम्यान रॅली काढली.

Heramb Oak  -  >> ५ मच्चिमार बोटी बुडाल्या

मच्चिमार !!!!!!!!!!!!! सर्वोच्च आवरा !!

http://maharashtratimes.indiatimes.com/articleshow/9849278.cms

rajiv phaltankar  -  मग आता मच्ची कोण आन्नांर ...? :) :)

Heramb Oak  -  hahaha

Swami Sanketanand  -  घ्या, सकाळ पण मटाच्याच मार्गावर >> बहरली मेळघाटची कुश ("कूस" हवे होते ना ?)
http://www.esakal.com/esakal/20110903/4825861050317802022.htm

Heramb Oak  -  >> गणेश महिमेवर विश्वास असलेल्या शेख यांची गणेशाविषयी भक्ती दृढ होत गेली.

महिमेवर????? अरे ती काय चौधर्‍यांची महिमा आहे का?

महिम्यावर म्हणा रे मूर्खांनो.

http://maharashtratimes.indiatimes.com/articleshow/9878879.cms

Anagha Nigwekar  -  !!!!!

Heramb Oak  -  http://maharashtratimes.indiatimes.com/articleshow/9882203.cms

>>आंध्र प्रदेशातून सर्वात जास्त म्हणजे वर्षाला १ लाक विद्यार्थी निवडले जातात. त्या खालोखाल तमिळनाडूचा (१.८ लाक विद्यार्थी) क्रमांक लागतो.

- लाक????

- १.८ मोठे की १ लाख?? ..... मट्या म्हणतोय म्हणजे नक्कीच १ लाख मोठे असणार !!

Gogo Gonzalwhisky  -  haahahahahaha =))

abhijit Nilegaonkar  -  Heramb Oak मट्या ! हाहा. भारीच.
http://maharashtratimes.indiatimes.com/articleshow/9878756.cms >>टँकरचा स्फोट होऊन लागलेल्या भीषण आगीत ५ जण ठार झाल्याची भीती वर्तवण्यात येत आहे. ५ जणांचे मृतदेह हाती लागले असून.....
पाच जण ठार झाल्याची भीती आणि पुढच्याच वाक्यात ५ मृतदेह हाती लागले? स्वत: लिहिलेली बातमी हे वाचून पाहतात का हाच प्रश्न आहे.

Heramb Oak  -  अभिजीत, होपफुली वाचून पहात नसावेत. असतील तर मग तर परिस्थिती अजूनच गंभीर आहे !!

abhijit Nilegaonkar  -  Heramb Oak मस्त कमेंट.

Heramb Oak  -  धन्स धन्स :)

सुहास झेले  -  गंभीर परिस्थिती आहे, गंभीरपण इंज्युरड हाये ;-)

Heramb Oak  -  हो पण रहाणे धुतोय :))

सुहास झेले  -  लगे रहो... जय हो !! :)

Raj Jain  -  गंभीरपण इंज्युरड हाये ;-)

abhijit Nilegaonkar  -  http://maharashtratimes.indiatimes.com/articleshow/9899817.cms >>आता तरी आम्हा सामान्यांचा विचार करा आणि जमलं तर या परत एकत्र, असं आवाहनच त्यांनी राज-उद्धव यांना केलं होतं. त्यामुळे ही भावंडं राज यांच्या विनंतीला तरी मान देणार का, याबद्दल कुतूहल होतं.
ही भावंडं राज यांच्या विनंतीला??? राज कशाला विनंती करेल. मटातील बटाट्यांनो जागे व्हा.

Heramb Oak  -  दळभद्री आहेत लेकाचे.. !!

Heramb Oak  -  प्रचंड प्रचंड विनोदी बातमी !!

दोन ग्रॅमपेक्षा कमी कोकेन खरेदी केलंत तर शिक्षा भोगायला तयार रहा !!!! :P :P :P

http://maharashtratimes.indiatimes.com/articleshow/10232563.cms

महेंद्र .  -  हा हा हा.

Heramb Oak  -  आवराच..

>> दोन ग्रॅमपेक्षा कमी कोकेन खरेदी केल्याप्रकरणी सिनेस्टार फरदीन खान याला अमली पदार्थ विरोधी विभागाच्या विशेष कोर्टाने दोषी ठरवले.

>>अमली पदार्थ कायद्यानुसार, दोन ग्रॅमपेक्षा कमी कोकेन खरेदी करण्यासाठी जास्तीत जास्त सहा महिन्यांची शिक्षा आणि दहा हजार रुपयांपर्यंतचा दंड किंवा दोन्ही शिक्षा एकत्रितरित्या देण्याची तरतूद आहे.

Pankaj Z  -  फरदीन म्हणाला असेल एक वेळ कोर्टाची शिक्षा परवडली पण "मटा"बाबा नको.

Heramb Oak  -  अगदी अगदी !

Aparna S  -  हा हा हा....

Devdatta Ganar  -  ज्येष्ठ समाजसेवक अण्णा हजारे हे रविवारपासून बेमुदत मौनव्रत सुरू करणार आहेत
http://maharashtratimes.indiatimes.com/articleshow/10366500.cms

अण्णा हजारे आज, रविवारपासून आत्मशांतीसाठी राळेगणसिद्धी येथे आठवडाभर मौनव्रत करणार आहेत.
http://maharashtratimes.indiatimes.com/articleshow/10371919.cms

आठवडा = बेमुदत?
काल रात्री मटा वर बेमुदत अशी बातमी होती. पण त्याच वेळी सकाळ वर आठवडाभर अशी बातमी होती.

Heramb Oak  -  http://maharashtratimes.indiatimes.com/articleshow/10381156.cms

नकाल? नाकाला? की नकार??
.
.
.
ओह अच्छा अच्छा.. नि काल

Devdatta Ganar  -  आता तर कहर झाला.

शीर्षकः लिबियाचे राष्ट्रपती कर्नल गद्दाफी ठार
बातमी: लिबियाचे राष्ट्रपती मुहम्मर गद्दाफी यांना जखमी अवस्थेत अटक करण्यात आल्याचे वृत्त आहे.
http://maharashtratimes.indiatimes.com/articleshow/10429087.cms

Patre Anand  -  ब्रेकिंग न्युज देगा.. थोडिशी तुटलीय.. नो टेन्शन ;)

Vidyadhar Bhise  -  प्रचंड!

Heramb Oak  -  महामहामहा (राष्ट्र टाईम्स) प्रचंड !!!

Siddharth T  -  हेडलाईन आणि प्रत्यक्ष बातमीत किती अंशांचा फरक आहे पहा... मटाला टांग दंडवत ...

जळगावात पारा ८५ अंशावर - http://tinyurl.com/6oyveh3

Heramb Oak  -  "टिंबच तर आहे च्यायला.. कुठेही दिलं तरी काय फरक पडतो" असं मटाचं साधं-सोपं गणित असावं ;)

Devdatta Ganar  -  किंवा टिंब दिला काय नी नाही दिला काय :)
( ह्याची भरपाई करायला पुढील वेळी बहुधा फक्त टिंब टिंब च लिहितील ;) )

Pravin Patade  -  यांच्या टिंब टिंब वर लाथा घातल्याशिवाय हे लोक सुधारणार नाहीत

Siddharth T  -  ह्यांच्या टिंब टिंबला एकदा ८५ अंश तापमानाचे चटके दिले की त्यांना फरक कळेल.

CS Piyu Pari  -  /\ LolZzzzzz

Sagar B  -  http://maharashtratimes.indiatimes.com/articleshow/10829789.cms

अॅपल , आयफोन , सिंमबियन , जावा अशा सगळ्याच प्लॅटफॉर्मवर हे वापरता येऊ शकते.

अॅपल व आयफोन हे वेगवेगळे आहेत का?

सुहास झेले  -  स्पेलिंग वेगळं आहे... हे कारण पुरेसं आहे ;-)

Aparna S  -  ते प्लॅटफ़ॉर्मबद्द्ल बोलतायत...आणि गाडी रुळावर सुरुवातीलाच नव्हती साबा...:D

Aparna S  -  sujhe spelling....lol...:)

Heramb Oak  -  स्पेलिंग !!! हाहाहा अत्युच्च..

Amit Mohod  -  अरे, हा संपूर्ण थ्रेड मटा वाल्यांना पाठवा रे.. कदाचित ते त्यांचं proof-reading च काम outsource करतील.. हेरंबा, चांगला बिजनेस मिळेल भावा.. :)

Heramb Oak  -  ऑलरेडी पाठवलाय.. दोनदा.. त्या हरामखोरांना काहीही पडलेली नाही !

सुहास झेले  -  अरे ह्या थ्रेडचं शीर्षक बदलून पाठवून दे परत त्यांना....हटके शीर्षक असेल तर, स्वतःला दिलेल्या शिव्यासुद्धा छापतील ते ;-)

Heramb Oak  -  हाहाहा.. तसंच करावं लागेल बहुतेक :)

सुहास झेले  -  नाही तर एक अतितुच्छ सजेशन... बझ्झ थ्रेड पाठवताना सगळ्यांत सुरुवातीला लेखक - आसबे म्हणून लिहावे

Amit Mohod  -  @सुहास झेले : लय भारी.. पहिल्या पानावर ना बघता छापतील..

Siddharth T  -  >> बझ्झ थ्रेड पाठवताना सगळ्यांत सुरुवातीला लेखक - आसबे म्हणून लिहावे

Perfect... इफेक्ट सही, साईड-इफेक्ट नहीं...

Heramb Oak  -  >> भारताने चॅम्पियन्स चॅलेंज हॉकी स्पधेर्त दुबळ्या पोलंडचा ७-० असा फडशा पाडला. तुषार व युवराज यांनी प्रत्येकी एक मोहरा टिपला.

http://maharashtratimes.indiatimes.com/articleshow/10925186.cms

मटाच्या मायला !!!!! हॉकीमधे मटाच्या बापाने तरी कधी 'मोहरे' टिपले आहेत का??

Devdatta Ganar  -  :D

abhijit Nilegaonkar  -  हेरंब टू गुड. lol

Heramb Oak  -  :D

Vidyadhar Bhise  -  लोळालोळी!

सुहास झेले  -  'फॉरेनच्या वाण्या'विरूद्ध कडकडीत 'शटर डाऊन'
http://maharashtratimes.indiatimes.com/articleshow/10940403.cms


फेकिंग न्यूज - अगर वॉल मार्ट को पता लग जाए कि उसे 'विदेशी किराना दुकान' कहा जा रहा है तो शायद वो खुद ही भारत आने से मना कर दे!

;-)

Devdatta Ganar  -  :D :D

सुहास झेले  -  निदान गुगल ने ह्या बझ्झसाठी तरी, बझ्झ बंद करू नये :( :)

Heramb Oak  -  हाहाहा

Heramb Oak  -  शेवटच्या दोन परिच्छेदांचा अर्थ सांगणाऱ्याला मटारत्न पुरस्कार देण्यात येईल !!

http://maharashtratimes.indiatimes.com/articleshow/10984685.cms

>>>महाबाळेश्वर-पोलिस जीप मध्ये बसायचे- फिल्ममध्ये बसलो-

ओढों पे एसी बात चली आये- वैजयंती माला बरोबर डान्स- गाणे फेमस होईल, एक पोस्टपोन - डंबरू घेऊन एंट्री मारलो. कुणालाच माहिती नाही. व्ही आनंद यांना सांगितले., कुछभी कर- मुझे नाचना है-

महाबाळेश्वरमध्ये असताना- हुरहुन्नरी- जिंदादील माणूस- झोपलेलो- आजारी आहे, हे आवडायचे नाही.

मुंबईत एका मित्राकडे ओळख झाली होती. २००७ महाबाळेश्वर पोस्टिंग झाली. १९८६-८७ मध्ये ओळख झाली होती. महाबाळेश्वर घरचे रिलेशन झाले आहे. <<<

अरे ए आवरा रे आवरा !!!!!!!!!!!!

abhijit Nilegaonkar  -  शेवटचे दोन परिच्छेद मटाच्या निर्लज्जपणाच्या कळसोध्याय ठरावेत. शुद्धलेखनाच्या एक दोन चुका, एक दोन वाक्यांचा अर्थ न लागणे या माफक चुकांवरुन मटाची झेप आता दोन दोन परिच्छेदांचा अर्थ न लागणे इथपर्यंत येवून पोचली आहे! धन्य तो लेख, धन्य तो पत्रकार, धन्य त्याचे मॅनेजर,धन्य ते मटा ऑनलाइन चे संपादक आणि धन्य तो मटा !

Heramb Oak  -  त्यांना काहीही फरक पडत नाही. दळभद्री आहेत साले !!

Amit Mohod  -  हे गाणी हिट होईल, असे वाटल्यावर त्यांनी मात्र या गाण्यात नाचण्याचा आग्रहच धरला आणि नाचले .
"गाणी"????

Amit Mohod  -  * 'ज्वेल थीफ' या सिनेमाच्या आठवणही देव आनंद यांनी सावंत यांना सांगितली होती. - "सिनेमाच्या आठवणही"??

* तसेच अनेक फोटोही त्यांनी पोलिस बसून काढले . " पोलिस बसून"???

Devdatta Ganar  -  राज ठाकरेंना पाठवून दे हा बझ्झ... माहिती/माहित्या चा समाचार घेतला होता. इथेही पाहू ;)

Siddharth T  -  मी सांगितला असता अर्थ पण पुरस्कार म्हणून मटारत्न देऊन "घोर अपमान" केला जाणार असल्याने विचार बदलला.

Heramb Oak  -  हाहाहा सिद्ध्या..

देगा, बेस्ट आयडिया.. लगेच मेल करतो राज ठाकरेंना.

सुहास झेले  -  हा हा हा ... आता दे धक्का मनसे स्टाईल ;-)

VI NE  -  i repost same thing from above but its true again & again
:-
hey friends
stop this if u wanna read any language paper then go here

http://www.epapergallery.com/index.htm

all may not b there but maximum are available - all scanned /epaper - u can feel of reading the original copy of printed paper

note- when u click any title it opens in pop up so afterwards u can copy that in browser or can directly read from pop up

enjoy

म टा - महाराष्ट्राचं टाकावू दैनिक

Suhaas Salve  -  http://maharashtratimes.indiatimes.com/articleshow/11002194.cms

ajun ek great baatami !

Amit Mohod  -  related batami : पाकिस्तान ने बंदर के बदले की किसी भारतीय नेता की मांग, सरकार करवाएगी ऑनलाइन सर्वे
http://hindi.fakingnews.com/2011/12/pak-demands-indian-leader-in-lieu-of-monkey/

Devdatta Ganar  -  http://maharashtratimes.indiatimes.com/articleshow/11016813.cms _'रिटेल' क्षेत्राची दारे परकी गुंतवणुकीसाठी (एफडीआय) उघडी करण्यास विरोध करणा-या पक्षांची मते विचारात घेऊन केंद्र सरकारने नमते घेऊन याबाबतच्या निर्णयास 'स्थगिती' देण्याच्या भूमिका घेतला होती _

एकवचनी/अनेकवचनी, स्त्रीलिंगी/पुल्लिंगी गोंधळ?

सुहास झेले  -  अरेरेरे.. इतका छोटा गोंधळ? मटाला शोभत नाही हे ;-)

Amit Mohod  -  हल्ली आपण सगळे बझ्झकरी (हा बझ्झ वाचणारे ह्या अर्थी) , म.टा, त्यातील बातम्या वाचण्या पेक्षा त्यातील चुका शोधण्यासाठी आणि त्या या बझ्झ वर टाकण्या साठी वाचतो, असा म.टा वाल्यांना दाट संशय आला आहे म्हणे.. :D

सुहास झेले  -  'मोरा'च्या पाठीवरून देशभर हिंडा!

http://maharashtratimes.indiatimes.com/articleshow/11013413.cms

मायला बातमीचं शीर्षक वाचून हडबडलो एकदम...तसं सवय आहे म्हणा.. तरी ;-)

Heramb Oak  -  हाहाहा :).. ये दिल मांगे मोर (कार्ड) ;)

अमित, अगदी १०१% खरंय ते ;)

Amit Mohod  -  अरे काय चाललंय लोकांनो ??? एक पण बझ्झ नाही ?? म.टा वाले सुधारलेत??

Devdatta Ganar  -  नाही... बहुधा तेच तेच पाहून आपल्याला सवय होत चाललीय :)

-------------------------------------------------------------------